Het Geldersch Landschap
Stichting Geldersch Landschap is ne organisatie dee in de previnsie Gelderlaand natuurlaanden hef en onderhöld.
Geldersch Landschap is op-ericht op 16 april 1929 deur den toonmoaligen Kommissoaris van de Könningin en de veurzitter van Veraeniging Natuurmonumenten. Met de ni-je stichting wollen zi-j slagvoardiger waen veur et behold van natuur en laandschap in Gelderlaand. Samen met Geldersche Kasteelen bescharmt en beheert zi-j meer as 11.000 bunder natuur en laandschap en nen groten trop kastelen, historiese landhuze, ruïnes en boerderi-jen in Gelderlaand. 7 kastelen en meer as 90 % van de laandgoderen bunt te bekieken.