Hoe? Zo!
De kabaretgroep Hoe? Zo! besteet sund umsgeveer 1990, too een antal (toon nog) jongeleu beslotten um samen een kabaretprogramma te gaon brengen, veur et grootste deel in eure eigen sproake.
Sund dee tied hef de groep, dee besteet oet, Henriët Fokkink, André Knoef, Erik Knoef, Karin Makkink, Yvonne Makkink en Gerrit Regelink niet stil ezetten. Dat hef naost een groot antal optraedens, in de regio maor ok wiet daorboet, resulteerd in een hoop lollerieje. Naost de schrievende pers, regionaal en ok landelek, schonk ok de radio andacht an disse groep. Eerst alleneg lokaal en regionaal maar later wodden der zelfs op-etraeden bi-j Jack Spijkerman in et programma "Spiekers met Köppe". En ok de televisiemakers hadden belangstelling veur ut "Kabaret met een Achterhooks aksent". Zo kwam ut dan dat de groep te zeen was in ut programma Van Gewest tot Gewest. Ut wark van "Hoe? Zo!" is zelfs al vast-elegd op nen cd met den titel: Ut wöd allemaol wal weer better. Hierop staot de liedjes oet et programma.
De gedichies oet et programma (Kotte Riemkes) bunt, met nog ne bulte andere riemkes oet-ebracht as book.
Den inhold
bewarkEt programma kent völle onderwarpen. Völle aktuele thema's komt, vake komies maar mangs ok heel serieus, an bod. Hoowal ut programma "tweetaleg" is, is het ok veur den neet-dialektsprekker good te volgen. Den inhold is mangs best skarp maor der wöd neet as nen onbesoesden in de rondte eskupt.
Ut programma hef een "hoog muzikaal gehalte". De begeleiding van de liedjes is op gitaar, eenvoldeg maor funktioneel.
| Bronnen / wellen: |