Hoolterboarg

Den Hoolterboarg of Holterbarg is een heuwelig deel van et Nasjonaalpark Sallaandse Heuwelrugge in de Nederlaandse proveensie Oaweriessel. Der gröait völle heade en noaldbeume. Et is eneumd noar et döarpken Hoolten, wat op et zuden van de strekke lig. In et noorden ligt et gebeed an de Hoarlerboarg en de noeselderboarg. Et is ene van de leste twee strekken in Nederlaand woer as den Korhoonder nog vuurkeump. Op de Wullenboarg, et zudelike deel van den Hoolterboarg, lig et bezeukerspeunt Natuurdiorama Holterberg. Oawer den Hoolterboarg loopt verskeadene waandelpädte.

Oetzicht oawer den Hoolterboarg.

Ook ligt op den Hoolterboarg et Holten Canadian War Cemetary, de Kanadese Begreafplaatse. Den akker heurt offisjeel an Kanada. Hier lignt ongevear 1500 Kanadese soldoaten begreawen dee as in den Tweeden Wearldoorlog zeent umme kömmen.