Huuze Reurle
Huuze Reurle is n adellek huus bi-j et darp Reurle (gemeente Berkelland), Gelderlaand en is n kasteel en landgood in den Achterhook, Nederlaand.
Geskiednis
bewarkDen name Reurle (Nederlaands: Ruurlo) kump of van Roderlo, besteet ut -rode- (gereujd woold) en -lo- (open parkwoold). Lange tied bestoand Reurle uut enkele huze op ne neet-strategiese open plek in n uut-estrekt woold- en brookgebeed. Kasteel Reurle wodden al in 1326 eneumd en is vanof de 15de eeuwe in hende van de Nederlandse adelleken familie Van Heeckeren Willem van Heeckeren van Kell, roadgaever van könning Willem III en minister van Butenlaandse Zaken, wodden in Reurle geboorn.
Völle gebouwen en instellingen in Reurle bunt under et mecenaat van de kasteelbewonners tot stand ekommen: van mölle tot doolhof, van mediesen zorg tot onderwies.
Et kastele wodden tot et samengoan met de andere gemeenten van Berkelland gebruukt as gemeentehoes, noa ne restaurasie begin joaren tachtig. Vlak veur de restaurasie was et kasteel de lokasie veur de televisieriege 'Den Zeuvensprong' noar et book van Tonke Dragt. De politiek in Reurle hef noo ook nen fietstocht deur et darp organisierd met "den Zeuvensprong" as thema. Teggenwoordig is et ne gewilde lokasie um te trouwen. In 2003 is noast et kasteel de orangerie uut 1879 herbouwd dee noo wöd ebroek as theehuus, en veur aparte gelaegenheden wöd verhuurd.