Ieslaand

Ieslaand (Ísland in et Ieslaans) is een eilaand, dat tussen Gruunlaand en et vaastelaand van Europa inleit. Et is omringd deur de Atlantische Oceaan, de Straote van Denemarken (tussen Iesland en Gruunlaand) en de Noordelike Ieszee.

Lýðveldið Ísland
Kaarte van Ieslaand
Baosisgegevens
Officiële laanstael	Ieslaans
Heufdstad	Reykjavik
Regeringsvorm	Rippebliek
Geleuf	Luthers 85%
Geografie en bevolking
Oppervlakte - waeter	103.125 km² 2,7%
Inwoners - Dichthied	316.000 (2008) 3,1 inw./km²
Koordinaten	65° 0′ N, 19° 0′ W
Overige
Volkslied	Lofsöngur
Muntienhied	Ieslaanse krone (ISK)
Tiedzone	+0
Nationaole feestdag	17 juni
Web | Kode | Til.	.is | ISL | 354

Et laand tipt in et noordoosten krek an de poolcirkel. De heufdstad Reykjavik leit an de zuudwestkust en is werelds meest noordelike heufdstad. Aj' Iesland tot Europa rekenen, is et et meest westelike legen laand van Europa.

Geizer op Ieslaand

Papegaaiduikers op Ieslaand

Laandschop

Ieslaand stiet bekend om zien boomloze laandschop, op Ieslaand gruuien gien bomen omdat et te koold is veur de bomen om daor te overleven. Ieslaand het liekewel inkelde vulkanen, geizers en aandere hiete bronnen (de bron bi'j Deildartunguhver levert 180 liter kokend waeter per sekonde, en is daormit de grootste hietwaeterbron van Europa).

Bestuurlike indieling

Ieslaand bestaot uut acht regio's, en uut 79 gemientes.

Steden en dörpen

Akranes Akureyri Blönduós Bolungarvík Borgarfjörður Dalvík Djúpivogur Egilsstaðir Eskifjörður Eyrarbakki Garðabær Grenivík Grindavík Hafnarfjörður Hella

Hornafjörður Húsavík Hvammstangi Hveragerði Ísafjörður Keflavík Kirkjubæjarklaustur Kópavogur Mosfellsbær Neskaupstaður Njarðvík Ólafsfjörður Ólafsvík Patreksfjörður Raufarhöfn

Reyðarfjörður Reykjavík Sauðárkrókur Selfoss Seltjarnarnes Seyðisfjörður Siglufjörður Skagafjörður Stokkseyri Stykkishólmur Suðureyri Vestmannaeyjar Vopnafjörður Þorlákshöfn

Geleuf

De heufdreligie van Ieslaand is et kristelike lutheranisme (zoe'n 85%), mit de Evangelisch-Lutherse Karke van Ieslaand as staotskarke. In et nasionaol register wodt altied b'ijhullen hoe'n geleuf de meensken hebben. In 2004 gaf dit et volgende beeld:

• Evangelisch Lutherse Karke van Ieslaand: 85% van de inwoners
• Vri'je Lutherse Karke van Reykjavik en Hafnarfjörður: 3,6% van de inwoners
• niet ansleuten bi'j een religieuze groepering: 2,4% van de bevolking
• Rooms-Kattelieke Karke: 2,0% van de bevolking
• aanders kristelik: 6,5% van de bevolking
• aanders (waoronder volgelingen van de Ásatrú-godsdienst: 1% van de bevolking

Hoewel de meerderhied van de bevolking kristen is, gaon de meeste Ieslaanders niet mit regelmaot naor de karke. De meesten hebben liberaole kristelik-godsdienstige ideeën.

Commons: Ieslaand - plaatjes, filmkes en/of gelüüdsbestanden.