Internasjonoale vlaighoaven Tan Son Nhat
Internasjonoalen vlaighoaven Tan Son Nhat (IATA: SGN, ICAO: VVTS) (Vjetnamees: Sân bay Quốc tế Tân Sơn Nhất) is Vjetnam zien grootste internasjonoale vlaighoaven, wat t oppervlak aangaait, sikkom 800 bunder, ien vergelieken tou de sikkom 650 bunder van Hanoi zien Noi Bai International Airport en Da Nang zien Da Nang International Airport. t Het n kappaziteit van sikkom 15-17 miljoen passezjiers per joar. Ien de joaren 30 van de 20. aiw is t ontstoan as lutje vlaigvèld van de Franse kelonioalisten en gruide ien de joaren 50, tiedens de Vjetnam-oorlog oet tou de belaangriekste vlaighoaven van Zuud-Vjetnam. Tegenswoordeg is t oetgruid, nait allend as de grootste Vjetnamese vlaighoaven op oppervlak, mòr ook wat t aantel passezjiers aangaait (mit n aantel van over 12,5 miljoen ien 2009). Zien riekwiedte omvat baaident Ho Chi Minhstad as Dong Nam Bo ien t zuden van Vjetnam. De IATA-kode van Tan Son Nhat is SGN wat komt van de vrougere noam van Ho Chi Minhstad, Saigon.
