Jachthaven

(döärstüürd vanaf "Jachthoaven")

Een jachthaven is een haven daor aj een pleziervaartuug veur wat centerije anleggen kunt an een steiger of een ka. In de haven ligt de vaartugen beschut tegen zeegaank (golven die veroorzaakt wördt deur wiend) en tegen 't kielzog van veurbijgaonde schepen. De toegaank töt de steigers of de ka kan ofesleuten wezen mit een hekwark, zodet niet alleman bij de anemeerde vaartugen kan.

De Kolk, de jachthaven in 't centrum van Blokziel (Aoveriessel)

Liggeld bewark

Een jachthaven kan ligplekken hebben veur langdurige huur of die deur booteigenaren ekocht bint. Van gasten die iene nacht of wat nachten blieft, wördt miest liggeld per nacht eheven, ofhaankelk van de lengte van de boot. De kosten loopt van onder een tientien töt meer as 150 euro per nacht veur een boot van twalef meter. Veur slim kört verblief kuj mangs per dag(diel) betalen.

Leiding bewark

Een jachthaven wördt bestierd deur de havenmeister. Dizzend holdt hum aover 't algemien bezig mit de veiligheid, bevaarberheid en technische staot van de haven, en riegelt 't gebruuk dervan deur de vaartugen. Wieder zöt e derop toe det de vaargröppe diep genogt is, det de ka best ofewarkt is en det schippers kaant ofmeert.

Veurzienings bewark

Bij een jachthaven hej vake veurzienings zoas douches en toiletten. Der mag ok nog wal ies een winkeltien wezen mit scheepvaartgerei en/of eterije. Aandere veurzienings die der kunt wezen, bint onder meer electriciteit, drinkwater, wasmesienes, parkeerplekken, internetansluting en ofvalophaling.

Jachthavens die voldoet an bepaolde criteria veur milieu en veiligheid kunt een Blauwe Vlagge hebben, een waormark det alle jaoren nao een keuring ofegeven wördt deur de Foundation for Environment Education.

Soortementen jachthavens bewark

  • Passantenhaven - hier kuj per dag(diel) ligplekken huren
  • Aoverdekte jachthaven - ok wal boothuus enuumd; hier kuj aoverdekte ligplekken huren en is winterstalling meugelk
  • Sloepenhaven - veur kleinere boten
  • Dreuge jachthaven - hier wördt boten op de wal estald, vake in stellages
  Dit artikel is eschreven in 't Zuudwest-Drèents.


  Commons: Jachthaven - plaatjes, filmkes en/of gelüüdsbestanden.