Jaap Zijlstra

(döärstüürd vanaf "Jacob Roelof Zijlstra")

Jacob Roelof (Jaap) Zijlstra (Wassenaar, 5 september 1933 - Amsterdam, 22 december 2015) was een Nederlaandse dichter, schriever en predikaant.

Zijlstra gruuiden op in een tummermansgezin en wördden beroepen töt geriffermeerd predikaant, naodet uut karkelijk jongerenwark zien talent bleek um jong volk bi'j de karke te betrekken.

As dichter debuteerden e bi'j uutgeveri'je Callenbach mit Voor de gelukkige vinder (1965). Hi'j hef roem twintig dichtbundels epubliceerd, mangs mit een specifiek thema (zoas Onder mijn groene huid oaver zien militaire diensttied). Wieder bint d'r van hum een roman, twei novelles, liederen, beschouwelijke teksten en verspreide verhalen verschenen. Hi'j hef een paar liederen bi'jedragen an 't Liedboek veur de Karken.

Zijlstra hef beroepen ewest in Frieslaand (Duurswolde), Grunning (Delfziel), de Achterhoek (Vorden) en Amsterdam. In de jaoren tachtig prissenteerde hi'j veur de NCRV vier jaor laank 't pregramma 'Kerkepad', een ummegaank laanks karken in Nederlaand. In 1983, tiedens een preek in Armelo, kwaamp hi'j op zien vieftigste uut de kaste. Daornao hef hi'j veul homoseksuele mèensen, en later ok mèensen mit Aids, pastoraal begeleid. De dichtbundel Ik zie je zo graag (De Prom, 1991) giet oaver zien liefde veur jonges en kreeg de Pries van de Vlaamse Poëziedagen.

Sund midden jaoren tachtig woont e in Amsterdam, daoras e evangelisatiepredikaant ewest hef bi'j de oecumenische stichting 'Diensten Met Belangstellenden'. Hi'j stund bekend as keunstverzamelaar en hef galerieholders adviseerd bi'j de verkoop van schilderi'jen en bielden. Wieder was e lange tied actief binnen de christelijke schrieversverieniging Schrijverscontact, onder meer as veurzitter.

Zijlstra zien Verzamelde gedichten kwamen in 2010 bi'j uutgeveri'je Kok uut. In det jaor kreeg hi'j ok de Dr. C. Rijnsdorp Prijs veur zien hiele œuvre.

Bibliografie bewark

  • Voor de gelukkige vinder (1965)
  • Een leeuw op de weg (roman, 1966)
  • Onder mijn groene huid (1967)
  • Land in zicht (1969)
  • Man en paard (1972)
  • Wij hebben de zon (1974)
  • Jan kocht zijn vlag een modderschuit (1980; ps. Jacob van der Sluis)
  • Het onland bloeit (1984)
  • Lichtgeraakt (1986)
  • Achter het rimpelend licht (1986)
  • De zon in het water (1986)
  • Een dag uit duizend (1986)
  • Een zon die nacht en nevel overwint (1988)
  • Liefde is ons getij (1989)
  • Het geheim van het graan (1989)
  • Een lampion in de boom (1989)
  • Het geluk van je leven (1990)
  • Ik zie je zo graag (1991)
  • De bloei van het licht (1992)
  • Wij komen biddend voor U staan (1993)
  • Hinkelspel (1995)
  • Toekomst (Biebels dagboek, 1999; in 't Fries vertaald as Takomst: lyts bibelsk deiboek)
  • Nachtval (2000)
  • De glazen schelp (novelle, 2000)
  • Symbolen en cimbalen. De beste gedichten uit de christelijke traditie van de twintigste eeuw (red., mit Klaas de Jong Ozn. en Hans Werkman, 2000)
  • Dwaaltuin (2003)
  • De zilverling (novelle, 2003)
  • Inkeer: gebeden (2005)
  • Het ontbrekende (2007)
  • Olijftak: Geloofsgedichten (2007)
  • Er liep een damhert op de Dam – lichtvoetige diergedichten (2007)
  • De vlinderdas - 75 lichtvoetige diergedichten (2008)
  • In een ander licht: kijken naar ikonen (2010)
  • Verzamelde gedichten (2010)
  • Boven de wind uit (gedichten, mit pastels van Loes Botman, 2012)
  • Liedboek. Zingen en bidden in huis en kerk (BV Liedboek, 2013) lied 31a, 159b, 220, 357, 389, 392, 393, 459, 562, 569, 574, 618, 633, 646, 687, 688, 690,722 en 852
  • Helder geheim - gedichten en liederen (2015)
  • Speelman: dertig gedichten (2015)

Bron bewark

  Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.