Jacobus Joännes van Deinse

Jacobus Joännes van Deinse (Eanske, 6 januwoari 1867 - doar, 24 februwoari 1947) wörd wal n belangrieksten vuurvechter van Tweante eneumd[1] duur zien oonderzeuke en oetgawes, mear vuural um de völle nieje dinge dee't he oetdachten, en de völle besteurszaken dee't he dee in Eanske en vuur de Tweantse kultuur en geskiedenisse.

Leawen bewark

Van Deinse ('Ko' vuur nöasten) har ne opleaidige as skoolmeaister, mear köm al vroo bie Gerhard Jannink & Zonen te woarken. Al zinne vrieje tied deed he völle oonderzeuk noar de geskiedenisse en de volkskultuur van Tweante en van de Tweantse sproake. Met zin moat G.J. ter Kuile Sr. gung he vake noar boeten um oonderzeuke te doon, opgreawings te doon en um noar oolde boerneverhalen te lusteren.

Zinne veundsten kömmen terechte in de verzameling van de Oudheidkamer Twente, den at oonder mear duur um en J.B. van Heek was egroondt in 1906. Van 1906 töt 1938 was he vuurzitter en doarnoa bersteurslid tötdet he oet de tied köm. Op 17 juni 1930 wör he op andringen van Jan Herman van Heek an esteeld as konservator van t Rieksmuseum Tweante, woerin't ook de Oudheidkamer Twenthe op wör enömmen.

 
Plakaat met nen tekst van Van Deinse oet 1932 an de greanze tusken Tweante en t Meunsterland

Hee bedachten de Tweantse vlagge, t Tweantse woapen en hee skreef ook t Tweants volksleed. Hee skreef t standaardwoark Uit het land van katoen en heide (1922), nen beundel van oonder mear de artikels dee't he eerder oetgavven in t Dagblad Tubantia. Den beundel was slim eweeld, woerduur't der later nog ne heroetgawe en n vervolg köm in 1939. De twee beuke wörden ook in ne vergoaroetgawe oet ebracht (1950, 1970).

Van Deinse ligt op de Oosterbegraafplaatse in Eanske. Op zin graf ligt ne veeldkeie met n tekst "Hij had Twente lief".

Femiliebaanden bewark

Van Deinse was de zönne van n eersten direkteur van de Twentsche Industrie- en Handelsschool (den at zelf oet Zeeuws-Vlaanderen köm) Dr. Antonius Jacobus van Deinse en van Catharina Sara Dina van Dishoeck. Op 15 mei 1896 trouwden he met Hendrika Bloemendaal.[2]

Trivia bewark

  • Ze hebt stroatn in Eanske, Almelo, Oldenzel, Boarne en Lösker noar um eneumd.
  • t vuurmoalige Van Deinse Instituut is noar um eneumd.
  • In Eanske he'j ne oetgewerieje den't Van Deinse Media [3] het.

Noten bewark

Bronnen / wellen:
  1. Löwik, F.G.H., De Twentse beweging. Enschede, 2003. pag. 327, info verkregen op
  2. Site met stamboom van familie Bloemenda(a)l
  3. Van Deinse Media