Jan Mülstegen

Jan Hindrik Mülstegen (Hawenkamp, 4. februar 1940 – Uelsen 8. juni 2021) was een Platduutse skriever bi'j Uelsen weg in de Graofschop Benthem. Zien waark stiet in de Benthemer jaorboeken en in de kraantenbi'jlage Der Grafschafter.

Rond 1960 begunden Mülstegen Platduutse woorden en uutdrokking te verzameln; zo'n dartig jaor daornao begunden hi'j in 't Platduuts gedichten en vertellegies te schrieven. Zien op 't laand deurebrochte kiendertied hef hi'j dale zet in Een Gânk döar 't aule Uelsen, det in 't Benthemer jaorboek van 1987 stund. Mit Gerhard Butke, Helga Buss-Saathoff en Simone Jesacher maakten hi'j 't boek Tröpfchens Reise zur Erde / Drüppkes Reis na de Eer / Dröppkens Räise noa de Eer, een vertellegien in drei spraoken: Hoogduuts, Oostfries en Graafschopper Platt (Hebus-Verlag, 2005). In jaorboeken en kronieken hef e ok volkskundige artikels staon.

Mülstegen was bestuurslid van de Heimatverein der Grafschaft Bentheim en holdt baanden an mit lu mit vergeliekbere interesses in Twente.

Anhaling

Round um mij to bleuiden houndeblomen, botterblomen, zoerblaa en anner gewas. Um mij to zoemden en broemden de iemen en als reuk zoa hearlijk mooi. Up 't water van 'n kolk heurde ik of en to 'n paar einten snadern en in 't leuis [riet] zeuink 'ne reetmusse. Anners was 't heelmoals stil um mij to. Dan heurde ik up 't moal een zacht gerusse in 't grös. 'ne Eweldasse kwam up mij an. Ik bleef heel stil zitten um dat dearken nich to verschrikken. Up 'ne schiere zaundstee höl 't up an, misschien um zik to zunnen. Joa, hier bleef et en reurde zik nich mear. Dat keump mij good topasse. Noew kun ik mij dat kroepdear eem good bekieken. Ziene hoed was greun-broen met witte stippen drup. De bene wassen zoa raa ofknikt en ze schienden mij at of ze wal slim kot wassen, want et lief raakte up de ground. Wal hoast een half uur heb ik et gedullig bij dat dearken oethollen.

Uut Up Swarftocht in de Natur (ummezet in de West-Oaveriesselse spelling)

Bronnen

Een Gânk döar't aule Uelsen (mit inleiding) en Up Swarftocht in de Natur op www.Uelsen-und-Umgebung.de
André Hottenhuis, Henk Krosenbrink, Henk Lettink, Richard Schmieding, Tim Sodmann en Hans Taubken (2002) (red.). alles plat(t). Bloemlezing uit Achterhoek en Liemers, Grafschaft Bentheim, Twente, Westfalen. Blz. 441