Jans Polling

Jans Polling (Börger, 1946) is een Drèentstalige schriever, onderwiezer, cabaretier, radioprissentator en verhalenverteller uut de pervincie Drenthe, Nederlaand.

Opleiding en onderwieswark

Polling gruide op in Börger, daor as zien olders een kefee hadden. Nao de ulo gunk e naor de kweekschoele in Coevern; in 1963 wördden e onderwiezer en waornemend heufd op een schoele in Drachten. Intied behaalde e de mo-aktes haandenarbeid en keunstgeschiedenis, umme die vakken op de middelbare schoele te geven. In 1973 wördden e dieltieds leraar haandenarbeid in 't voortgezet onderwies in Knoal. In 1975 gunk e in 't olderlijk huus in Börger wonen.

Cabaret en radiowark

Polling schreef liedteksten en schetsen aover gezinslevend, vaderschop en opvoeden. Mit André Damming richtte e in 1987 't Drèentstalige Duo Dampo op; twaalf jaor laank traden ze bename in Drenthe op mit heur cabaretpergramma. Wieder verzörgde e mediatrainings, deu an pottenbakken en warkte veur Radio Noord en later Radio Drenthe as prissentator en verhalenverteller. Radiopergramma's van hum bint onder aandere 'Muzementen' en 't meziekmagazine 'Pollings Passie'.

Schrieverije

De Drèentse schriever en radiomaker Hans Heyting, de ontdekker van Polling as radioman, fieterde hum an um zien verhalen ok schriftelijk uut te brengen. In 2005 schreef Polling de roman De Ring, 't boekenweekkedo veur de Drèentse Boekenweke. 't Huus van de Taol maakte in 2012 een schrieverspetret van hum. In 2014 wördden e benuumd töt gemienteverteller van de gemiente Börger-Oring.

Boekuutgaves

Vaoderschap - vakmanschap? (Zuudwolde, 1991)
Troost veur kerels (Zuudwolde, 1992)
Ok veur vrouwluu (1993)
Wat 'n gedoe (1994)
't Kun minder (1995)
't Komt zoas 't valt (1996)
Klein leed (1997)
Veur riepe vaoders (1998)
Wat nou weer? (zunder jaortal)
Vaoderschap of Voederschap? (2002)
't Is wat, dat tweerad... de mooiste fiets- en bromfietsverhalen van Jans Polling (2002)
De Ring (2005, boekenweekkedo)
Het komp wel goed (2006, bloemlezing van honderd van zien verhalen)
De kok en de verteller (Het Drentse Boek, 2012, recepten van tv-kok Roel Kuper mit verhalen van Polling aover eten)
Jan, Jans en de fiets (Het Drentse Boek, 2018, fietsverhalen, mit Jan Germs)

Discografie

Veur je... veur oe (as Duo Dampo)
Over vrouwluu en zo (mit Harm & Roelof)

Bronnen

Rouke Broersma (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (blz. 159)
Huus van de Taol aover Jans Polling

Dit artikel is eschreven in 't Zuudwest-Drèents.