Jodelen is nen zangtechniek woerbie as den zänger de stemme moodwillig löt 'oawersloan' noar kopstemme en wierumme. Op disse wieze kan den zänger dreeklaanken benöaderen en tonen oet dreeklaanken onmeundig rap achter mekoar (arpeggio) zingen. Zo wekt den zänger den indruk det he met meardere stemmen tegelieke zeenk.

Dissen zangstiel is vuural bekeand oet de Alpenlaanden: Beiern, Zwitserlaand en Oostenriek. 't Is doar een vast oonderdeel van de volksmuziek. Mer ook in aandere wearelddelen keump jodelen vuur. Bie de Pygmeeën, de Inuit, in de Kaukasus, Melanesië, China, Thailaand, Kambodja, Spanje (doar neumt ze t Alalá), Saamnlaand (Joik of Juoigan), Zweden (Kulning, Kölning, of kaukning), Polen en Roemenië.


Een van de bekeandste Alpenjodelers was Franzl Lang oet Beiern. Hee wör eneumd de König der Jodler. In de 20. eywe had de neaderlandske sangeresse Olga Lowina vöäle sukses in de Benelux en düütskspreakende landen. Mer ook in de Amerikaanse country-muziek wörd jodelen vaak broekt.