Johan Nijenhuis

Johan Nijenhuis (Maarkel, 4 meert 1968) is nen Neerlaandsen filmregisseur en -maker. Hei dut vuural films maakn vuur jeugnd. Rechtevoort wont he in Amsterdam.

Leawn en loopbaan

Niejenhoes gung noar t vwo in Hooltn, mear gung as oetwisselstudeant n joar noar Los Angeles in de Verenigde Stoaten. Doar duurleup hei op de Birmingham High School ne training in journalistiek en filmtechniek. Vanof 1990 deed he ofleawerings van de tellevisieseries "goede tijden, slechte tijden" en "Westenwind" regisseern. Zinnen eersten film was Costa!. Dissen film har redelik wat suukses, en noa at de tellevisieserie ook good leup, gung he met Alain de Levita saamnwaarken in ne produksiemoatskoppieje. Doar stapn he in 2010 wier oet.

Niejenhoes was in november 2010 nog geregeld in t niejs umdet he staark teegn n horrorfilm Sint was van regisseur Dick Maas. De ankondigingsposter mos t vuural liedn, umdet det volgens Niejenhoes ongepast zol wean vuur keender. Niejenhoes stapn dr met noar de Reclame Code Commissie, mer dee besleutn at zinnen klacht nit terecht was en det de ankondiging zo mocht bliewn. Ook in heuger beroop haaldn Niejenhoes niks oet.

Niejenhoes hef wat met Tweante. Det bleek al in zinnen film Volle Maan, woerin hei akteurs met n Tweants akseant leut spöln. Later begun he met zinne suuksesvolle tellevisieriege Van jonge leu en oale groond, wat eerst regionaal good oetpaktn en later ook laandelik bekeand wör.

Filmriege

Film

TV

GTST (1995-1998)
Westenwind (1999-2003)
Blauw Blauw (1999-2001)
Hartslag (2001-2003)
Costa! (2001-2005)
De Wet volgens Milo (2004)
ZOOP (2004-2006)
Keyzer en De Boer Advocaten (2005-2008)
Samen (2005-2006)
Lieve Lust (2005)
Van Jonge Leu en Oale Groond (2005-2009)
Voetbalvrouwen (2006-Heden)
De Hemelpaort (2006-2007)
Nachtegaal & Zonen (2007-2008)
SpangaS (2007-Heden)
De Hoofdprijs (2008-2009)
Pauwen & Reigers (2008-Heden)
Verborgen Gebreken (2008-Heden)

Oetgoande koppeling

Johan Nijenhuis op IMDB