John Zerzan

   Dit artikel mut nog ummezet wonnen in wikistiel.

John Zerzan (Salem, 1943) is 'n Amerikaansen anarchist, filesoof van 't primitivisme en schriever. Zien wark bekritiseert de laandbouw-beschaving as intrinsiek onderdrukkend en pleit derveur 'n veurbeeld te nemmen an de meniere van lewen van de prehistoriese meanse dat as inspiratiebronne zol kunt dienen veur hoe 'n vri'je gemienschop der uut zollen kunnen zien. In 'n antal van zien kritiese artikelen giet hi'j zo verre dat hi'j vraogtekkens zet bi'j gezinslewen, taal, symbolies deanken (zo as wiskunde en kunst) en 't begrip tied. Zien vieve belangrieksten boeken bint Elements of Refusal (1988), Future Primitive and Other Essays (1994), Running on Emptiness (2002), Against Civilization: Readings and Reflections (2005) en Twilight of the Machines (2008), woorvan gin enkelen in 't Nederlaans is vertaald.

Wark

Zerzans theorieën hef dingen geliek met Theodor Adorno's deankwieze over de negatieve dialectiek um 'n theorie te vörmen over de beschaving, as 'n stapsgewies toenemmend geheel van vervrömming. Volgns Zerzan ledt de oorspronkliken meanslike gemienschoppen in 't stienen tiedpark, en vergeliekbare hudige gemienschoppen zo as de !Kung, Bosjesmannen en Mbuti, een niet-vervrömde en niet-onderdrukkende meniere van lewen, baseerd op 'n primitieven overvloed en 't dichtebi'j de natuur staon. Um derglike gemienschoppen as 'n soort politiek ideaal, of tenminste as 'n leerzamen vergelieking te kunnen zien, waormet de hudige (met name de industriële) maaschappi'jen an de kaoke steld kunt wödden, maakt Zerzan gebruuk van antropologiese onderzuuksresultaten over derglike gemienschoppen, as basis veur 'n breden kritiek op de onderdelen van de teegnsworige meniere van lewen. Hi'j schildert de hudige maaschappi'je of as 'n weerld vol ellende, baseerd op 't psychologies töt staand brengn van 'n gevuul van schaorste en gebrek. De geschiedenisse van de beschaving is de geschiedenisse van 'n luênge; 't teegnover-estelde is nie veuruutgaank mar juustem de Utopie die 't resultaat is van 't ontkennen van die veuruutgaank.('t deel nao de puntkomma behoeft verduudliking).

Zerzan is 'n anarchist en wödt uut-ebreid associeerd met 't gedachtegoed van 't anarcho-primitivisme, grune anarchie, anti-beschaving, post-linkse anarchie, neo-luddisme 't concrete vörme gewen an 'n abstract concept, en in 't biezunder 't verzet teegn de technologie. Hi'j verwörp nie allinnig de staot, mar alle vörms van hiërarchiese en autoritaire verholdings. “Anarchie betekent ienvoldigweg ‘zunder heerser.’ Dit höldt nie allinnig 'n verwarpen van de regering in, mar eem-iens van alle aandere vörms van overheersing en macht.”

Dit artikel is eskreaven in et sallandsk.