Jozef uut Arimathea

Jozef uut Arimathea is een kerl wat vöärkümt in de Bybel. Hy was, volgens Lucas, eyne van et Sanhedrin, mar was der neet med eyns med de veroordeyling van Jesus. Mögelik was he sülvs een anhanger van Jesus. Hy was teyvens de eigenaar van de tüne wårin Jesus begraven wördden. In dee tüne lag een ny grav, wårin düs noch geyneyne begraven was. Nå dat Jesus uut de tyd kummen an et krüüs vröäg Jozef an Pontius Pilatus üm et lyv in syn grav te mogen begraven. Hyrümme wörd Jozef vereard döär begravenisundernemmers, van wee he de beskarmheiligen is. Hy was ouk hüm dee Jesus van et krüüs haalden en in een linnen dook wikkelden.

De legende segt dat et keltisk kristendum up Groot-Brittannië wördden estichet döär Jozef uut Arimathea; de legende segt ouk dat koning Arthur wördt begraven op syn ruïne van een abdij. Volgens de legende was Jozef een tin handelaar den vake kwamen en gån når de tinmynen van Romeins Groot-Brittannië. De legende geet verdan med dat he syn neve, Jesus (volgens de legende was Jesus een neve van Jozef), een mål had med enöämen up eyne van disse handelsreisen. Ouk hevt Jozef et blood, wat uut kwam når dat Jesus up 'et krüüs in syn syde estöäken wördden, in een flesse opevangen; dit wördden de heilige graal; later wördden Jozef uut Aramathea de eyrste bewaker van de Heilige Graal.

Arimathea was een stad in Juda. Et sol nu Ramla of Rentis heyten.

Syn lyv wördt as relikwy vereyrd up de Armeenske Vank-kathedraal up Isfahan, Iran.

Syn feestdag wördt evyrd up 17 maert in de roomse karke en up 31 juli in de oosters- ortodoksen.

Dit artikel is eskreaven in et sallandsk.