Kaapverdie

Kaapverdie of de Kaapverdiske Eilanden (Portugeysk: Cabo Verde, letterlik ümmesat: Gröönkaap) is nen eilandenståt in den atlantisken oceaan, vöär de westküste van Afrika. Et besteyt uut teen vulkaniske eilanden, dee as med mekander ungeveyr 4033 kilometer in et veerkant beslåt. De eilanden ligget tüsken 600 en 850 kilometer up et westen van Cap-Vert, up den meyst westeliken tip van et afrikaanske vasteland. De kaapverdiske eilanden sint tehoupe med de Acoren, Kanariske Eilanden, Madeira en de Wilde Eilanden deyl van et natuurgebeed makaronesie.

República de Cabo Verde (portugeesk) Repúblika di Kabu Verdi(kaapverdisk kreool)
Vlagge van Kenia	Woapn van Kenia
Kaarte van Kenia
Informasie
Sproaken	portugeesk, kaapverdisk kreool
Heufdstad	Praia
Regeringsvörm	republik
Geleuf	Christendom (85,3%), Ateisme (10,8%), andere gelöyve (3,9%)
Laand en inwonners
Oppervlakte - Water	4.033 km² Neet nömenswaerd%
Inwonners - Dichtheid	483.628 123,7 inw./km²
Koordinaten	14° 55′ N, 23° 31′ W
Oaverig
Volksleed	"Cântico da Liberdade" (Leed van de Vryheid)
Munteenheid	Kaapverdisken escudo (CVE)
Tiedzone	UTC–1 (CVT)
Web | Kode | Tel.	.cv | CV | +238

Töt den 15. eywe woanden der nüms up de kaapverdiske eilanden, töt at de portugeysen en untdekkeden en koloniseerden. Dårmed wör et de eyrste europeeske neadersetting in de tropen. Ümdat Kaapverdie makkelik leade vöär de Atlantiske Slavendryverye, güng et de eilanden mirakels good in de 16. en 17. eywen. De eilanden tröäken handelslüde, kapers en piraten. Do as in de 19. eywe de slavenhandel verböäden wör, rakeden de eilanden in verval en vöäle inwoaners tröäken vord. Toch krabbelden de eilanden weader up en wörden en vöärnaam handelscentrum en handigen tüskenstop vöär groute skeypvårt. In 1951 wör Kaapverdie en oaverseysk departement van Portugal. Toch bleaven de inwoaners stryden vöär unafhangelikheid, wat se kreagen in 1975.

Seyd de jåren '90 van den 20. eywe is Kaapverdie ne stabile demokraty. Et is eyne van de meyst untwikkelde en demokratiske landen van Afrika. Ümdat et selv nauweliks natuurlike brunnen hevt, müt de ekonomy et vöäral hebben van deensten, turisme en butenlandske investeringen. In 2021 woanden der ungeväär 483.628 lüde, vöärnamelik van emengd afrikaansk en europeesk blood. De meyste lüde sint roumsk-katolik, en oaverblyvsel van de portugeyske oaverheyrsking. Der is ne groute kaapverdiske diaspora. Vöäle lüde woanet in de Vereynigde Ståten en Portugal. In Rotterdam in Neaderland is ouk ne groute gemeynskap. et antal uutvlegers is behöyrlik grötter as de inwoaners van de eilanden selv.

De officiele språke van Kaapverdie is portugeesk. Dat is de språke van underwys en de regeyring. Ouk vöär de radio, televisy en in kranten wördt et gebruked. Kaapverdisk Kreool is ne andere officieel registreerde språke, wat de meyste lüde spreaket.