Kapelle (gebouw)

Veur andere betekenissen zie Kapel (deurverwiezing)

Ne kapelle (van et Latien cappa = mantel, verkleinweurd capella) is ne kleine karke.

Dizze kapelle in Sittard is an Sint-Rosa op-edraogen

Binnenkante van ne kapelle in de gemeente Zeelaand

Eet weurd kapelle verwis noar den kapmantel van den H. Martinus van Tours (316 - 397), den as n kostboar relikwie in ofzunderleke tenten wodden bewoard en op tochten wier met-enommen. Later wodden n klein heiligdom zo eneumd.

Ne kapelle wöd neet zo völ veur missen ebruukt en kan ok n underdeel wean van ne grotere kerke of n ander gebouw woarbi-j et mangs deent as kleinschoalige gebedsruumte. Vrogger hadden de gilden mangs eure kapelle in ne grote karke.

Kapellen wodden mangsmoal ebouwd as doar n wonder was ebeurd. In latere tieden greujden völle van dee kapellen ok uut tot karken. Völ kapellen kuj trög vinden an kruuspunte van weagen.

Ne kapelle as gebouw hef in beginsel meerdere betekenissen:

• Een karkjen dat (nog) geen volweerdige parochiekarke is en dat neet deur nen pastoor, moar deur nen rector wöd bedeend.
• Een heiligdom, mangs van vri-j kleine ofmaetingen, wat ne plaatse is veur enige bezinning of godsvrucht, en mangs ook optreadt as ne stopplaatse bi-j processies. Mangs is et ne ruumte woarin wat leu künt wean, moar woar gin geesteleken an verboanden is.
• Een kapelleken of (in et Braobants) 'kèske' (kastjen) is nòg wier kleiner en hef mangsmoal alleneg n beeldjen of ofbeelding.

Soorten kapellen

kapel

Bidkapelle - Kollegekapel - Dagkapelle - Deupkapelle - Gildekapelle - Grofkapelle - Kasteelkapelle - Kloosterkapelle - Knekelkapelle - Koorkapelle - Mariakapelle - Sakramentskapelle - Stroalkapelle

Book

• Kapellen in Vlaanderen, Hans Geybels, 2006, ISBN 9789058263384

Uutgoande verwiezing

• Inventaris van kapellen in Vloanderen deur Dries Clauwaert en Marieke Van Heukelom, op den stea van KADOC

Commons: Kapelle (gebouw) - plaatjes, filmkes en/of gelüüdsbestanden.