Kasteel Brederode
Met de Ruïne van Brederode wodt de reste an-eduud van Kasteel Brederode bi-j Santpoort-Zuud. Et kasteel is in de tweede helfte van de 13de eeuwe gesticht deur Willem van Brederode. Dizzen stamden of van de heren van Teylingen, dee verwant waren an de graven van Holland.
Den name Brederode verwis noar n stuk bosgroand (Brede Roede) dat erooid wierd, woarop et kastele is ebouwd. Eerst bestoand et kasteel alleneg uut nen wontoorn. Rundumme 1300 wierd den toorn ofebrokken woarnoa Dirk II van Brederode n veerkant kasteel leet bouwen.
Geschiedenis
bewarkTiedens de Hookse en Kabeljauwse twisten blaeven de Brederodes trouw an Margaretha van Beieren, woardeur et kasteel in 1351 belaegerd wodden deur den Kabeljauw-gezinden Gijsbrecht van Nijenrode. Noa de oavergave was et kasteel zo zwoar beschadigd, dat et wierd esloopt.
Noa de verzoening tussen de Brederodes en de Graven, is et in 1354 wier herbouwd. Et wodden neet meer bewond, moar blef wal ne uutvalsplaatse veur de Hoken, under anvuuring van Willem van Brederode.
Umdat de Hoken in 1426 Hoarlem belaegerden verwoostten de Kabeljauwen et zudeleke deel van et kasteel. Et wodden Willem van Brederode verboaden et kastele te "verstarken, vastmaken of te bolwarken" woardeur et neet harsteld kon wodden. Uutendelek wodden in 1464 toch et noordeleke deel wier hersteld. Tiedens den opstaand van et Keze- en Broodvolk in 1492 wodden et kasteel plunderd deur Duutse soldoaten. Vanaf dee tied wöd et neet meer bewond.
Tiedens et beleg van Hoarlem in 1573 wodden et kastele plunderd en in braand estokken deur Spaanse soldoaten. Vervolgens veel de ruïne ten prooi an et oprukkende stoefzaand van de dunen.
In 1679 kwamp Wolfert van Brederode oet de tied, den lesten heer van Brederode, woarmet de ruïne verveel an de graven van Hollaand, dee neet meer bestoanden en wierden op-evolgd deur den stoat der Nederlaanden. In de 19de eeuwe was de ruïne éne van de eerste bouwwarken dee in opdracht van den stoat wodden restaurierd en wodden et eersten rieksmonument.
| Bronnen / wellen: |
|