Keulse Biebels
twee in Keulen edrokte veurlutherse Biebelaoverzettings van 1478/79
De Keulse Biebels van 1478/79 bint twee in Keulen edrokte veurlutherse Biebelaoverzettings. Ien van de beide uutgaves hef tekst in 't Middelsaksisch; de aandere hef tekst in 't Nederriens. Umdet in de regio dizze twee onderscheiden taalgroepen bij menare kwamen, waren der twee taalversies neudig.
De Biebels wördden emeuken deur een consortium bestaond uut Henrik Quentell, Bartholomäus van Unckel en Anton Koberger. 't Is onbekend wie of de opdrachtgever was en wie of ze feilijk edrokt hef. De Keulse Biebels völlen op deur de schiere uutgave, mit 123 holtsnedes op groot fermaot. Ze vörmden de basis veur veule latere Biebeluutgaves. Koberger beveurbield gebruukte de drokplaten veurdaolijk veur een Opperduutse Biebeluutgave.
|
Dit artikel is eschreven in 't Zuudwest-Drèents. |