Klavinet
Nen Klavinet is ne oard elektromechanies toetsinstrumeant, bouwd duur t bedrief Hohner oet Trossingn in Duutslaand, tusken 1964 en t begin van de tachtiger joarn. Feaitelik is t nen ellektries verstoarkten klavesimbel, te vergeliekn met nen ellektriesen gitaar. Dr wördn verskeaidene modeln van maakt: de I, II, L, C, D6, E7 en Duo.
t Instrumeant hef n kenmoarkend kortangebeundn en kroakerig geluud, en is völle gebroekt in funk, disko, rock en reggae. t Bekeandste nommer is woarskienlik wal Stevie Wonder's Supersticion.
Beskriewing
bewarkn Klavinet is ne ellektromechaniese piano, den't verstoarking neudig hef um hard genog eheurd te wordn. De meeste modeln hebt 60 toetsn en n toonbereik van F1 töt E6 (frekweansies tusken 43.6Hz en 1318.5 Hz). det is n bereik van vief oktaawn, wat t ongevear t zelfde is as ne ellektriese gitaar en nen ellektriesen basgitaar met veer snoarn. t Geluud wörd emaakt duur ne harp van 60 stoalne snoarn dee't skuuns oonder de toetsen duurloopt. De woarking van de toetsn is froai seempel. Elken toets is n soort hefboom wat an de achterkaante op n wigken wippet, met ne veare um de toets wier op de röstposisie te kriegn. Oonder elken toets zit nen metaalnen hoolder vuur n kleain heamerken met stukn rubber as tip. Duur nen toets in te drukn slöt t rubber op ne snoare. Hierduur keump de snoare an t triln. Disse trilling wörd in ne ellektriese puls umme zat duur ellektromagnetiese oontvangers. Duurdet dit stukn rubber de snoare teegn n ambeelt drukt, gef nen klavinet n biezeunder spölgeveul.
t Oeteande van elke snoare wat t vearste van de oontvangers of lig, löp duur nen goarnwikkel. As n toets wier lös eloatn wörd, wörd de snoare deampt duur t goarn. Elke snoare wörd estemd met spanners, dee't an de vuurkaante van n harp zitt. Dit harpmechaniek is totaal aanders as de aandere ellektriese toetsinstrumeantn van Hohner (de Cembalet en Pianet), dee't plektrums gebroekt, of klewerige plaatjes dee't langs metaalne reedn plukt en dee't n gebroeker nit zelf hoof te stemn.
De meeste klavinetn hebt twee riegen met oontvangers, dee't boawn- en oonderlangs de snoarn zitt. n Klavinet kan wisseln tusken de beaide oontvangers, en hef n gitaarachtigen oetgaank den't op nen verstoarker an eslötn kan wordn. De eerste modeln van klavinet hadn oontvangers met eenn spoel; vanof de D6 wör ne sixcore-oontvanger gebroekt.
t Instrumeant wör oorsproonkelik bedacht vuur in hoes, um vroo-Europese klassieke muziek en volksmuziek op te spöln. n Klavinet L, den't in 1968 wör ebouwd, was n model vuur in hoes met ne fineerhooltne dreeheukige kaste en hooltne peute, toetsn met de kluurn aandersumme, en nen muziekstandaard van plexiglas. De oeteandeliken E7 en Duo-modeln warn völle mear an epast vuur rechtstreeks verstoarkt gebroek in rockmuziek, woerin't t instrumeant gewoon was ewördn. t Klavinet Duo-model voogn n Klavinet saamn met de Hohner Pianet T töt een instrumeant, wat skoonwal froai zwoar was.
Oonderhooldsprobleemn
bewarkIn de joarn '80 en '90 wör t aal lastiger vervangnde oonderdeeln te veendn vuur Klavinetn, umdet Hohner dee nit mear maakn. De grötste probleemn gavn de hamertipkes en snoarn. De hamertipkes wördn emaakt van n saamnstelling van polymeer, wat ontbeund noa n antal joar, woerduur't ze in t begin pikkerig wördn, en oeteandelik vlöaibaar wördn töt n soort liemachtig spulleken. Hohner wol de tipkes n soort standaard vervangboar oonderdeel maakn, umdet ze normaalgesprökn groown kreegn of spleetn. Bouwers en spöllers dee't öarn klavinet woln bliewn gebroekn mossen zelf stuks rubber sniedn. De snoarn van de Klavinet warn länger as gewone gitaarsnoarn, woerduur't dr nit makkelik an te komn was. Vanof 2000 zeent n antal bedriewe begunn met t maakn en onderhooldn van oolde toetsinstrumeantn, woerduur't de hamertipkes en snoarn rechtevoort wier te kriegn zeent.
Bekeande artieste met nen klavinet
bewark- Beck
- Bob Marley & the Wailers (bv. Could You Be Loved en Concrete Jungle)
- Electric Light Orchestra
- Stevie Wonder (Superstition)