Klaasje Rotstein-van den Brink
Klaasje Rotstein-van den Brink (13 meert 1919 – 5 juni 1997), algemien bekend als Klazien uut Zalk of Kleusien uut Zalk, was een anbeveelster van netuurlijke geneesmiddels en deurgeefster van traditionele vertellegies en zegswiezen. Heur bi'jname verwis naor heur dörp Zalk in de Oaveriesselse gemiente Kampen.
Bezigheden en uutwarking
bewarkKleusien wördden machtig populair deur heur tillevisieoptredens in 1989-1990 in 't NCRV-pregramma Passage, daoras ze netuurmiddels anbeveul veur een hiele riege kwaalties. Oaver dizze onderwarpen hef ze ok schrieveri'je uutegèven; drei boeken haalden de Libris Top 10. Veul journalisten en pregrammamakers, waoronder Rik Felderhof, waren riegelmaotig bi'j heur te gast. D'r wördden ok een speciaole Klazien-geurliende op de mark ebrocht en Kleusien maakten een plaotien mit André van Duin.
End jaoren tachtig trad Kleusien op as weervrouwe in een Vara-radiopregramma van Felix Meurders. Krek as al heur bezigheden had ze heurzölf dizze discipline bi'jebrocht.
Van Kooten en De Bie steuken in 't tillevisieseizoen 1991/1992 van 't satirische pregramma Keek op de Week de gek mit heur an middels de typegies 'Berendien uut Wisp' en 'Rosalien uut Drost'. Stemkeunstenaor Robert Paul parodieerden heur in 1995 mit zien cd-singel Volgende Patiënt.
Persoonlijke lèven
bewarkNao de Tweide Wereldoorlog trouwden Kleusien mit Sam Rotstein (oaverleden in juni 2007). Hi'j was een Jeudse onderduker die bi'j de femilie Van den Brink in had ewoond.
Kleusien kwaamp op 5 juni 1997 uut de tied as gevolg van de ziekte van Kahler, een vörm van leukemie. Op eigen verzoek kwaamp d'r anvankelijk gien stien op heur graf, um te veurkomen det 't een bedevaortsoord zol wörden.
Te vernumen straote in Zalk
bewarkIn oktober 2009 meuk de gemiente Kampen bekend det d'r in Zalk een Klaasje van den Brinkerf zol komen, mit op 't bröd de toevoeging 'Klazien uut Zalk'. De gemiente kreeg 't in 't wier mit de Vereniging tegen Kwakzalverij, die protest antiekenden umdet Kleusien een 'kwakzalfster' ewest zol hebben die 'slechte adviezen' gaf. De veurzitter van de veriening, Cees Renckens, had Kleusien in zien proefschrift Dwaalwegen in de geneeskunde (2004) al een 'ouderwets kwakzalverstype' enuumd.
Schrieveri'je
bewark- Regels veur et weer en nog een heleboel meer (as Kleusien uut Zalk), Stichting IJsselakademie, Kampen, 1981
- Allerhande dingen over de natuur: Wat groen is en het weer, dieren en zo meer... (as Klazien uit Zalk), Kok, Kampen, 1990
- Wie luistert... Met foto's van Aart Veldman (as Klazien uit Zalk), Kok, Kampen, 1990
- Allerhande dingen over de natuur 2: tips en wetenswaardigheden over de natuur (as Klazien uit Zalk), Kok, Kampen, 1991
- Duizend dierendingen (as Klazien uit Zalk), Kok, Kampen, 1991
- Allerhande dingen over de natuur 3: geen betere buur dan moeder natuur (as Klazien uit Zalk), Kok, Kampen, 1992
- Er was eens... er is. Wilde planten en bloemen (as Klazien uit Zalk), Kok, Kampen, 1992
- Alstublieft, dank u wel: over biddag en dankdag (as Klazien uit Zalk), Kok, Kampen, 1992
- Ga je of ga je niet (as Klazien uit Zalk), Kok Lyra, Kampen, 1993
- Winterlicht: verhalen voor kerst (as Klazien uit Zalk), Bredewold, Wezep, 1996
- Aarde, Water, Lucht en Vuur (as Klazien uit Zalk), Bredewold, Wezep, 1997
Bronnen
bewark- blikopnieuws.nl: Woning 'Klazien uut Zalk' na acht jaar in de verkoop
- Trouw: Kruidenvrouw Klazien uit Zalk (78) overleden
- Webstee van stemkeunstenaor Robert Paul
- Nederlands Dagblad: 'Klazien uut Zalk verdient geen straat'
- RTV Oost: "Geen straat voor Klazien uut Zalk"
- Renckens, Cees (2004), Dwaalwegen in de geneeskunde. Over alternatieve geneeswijzen, modeziekten en kwakzalverij, Amsterdam: Bert Bakker, blz. 328
|
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |