Kogge
Ne kogge is n skip dat in-evoerd wodden deur de Hanze um goderen te verskaepn. Et verscheen as soorte rundumme et joar 1200 en was untwikkeld uut et Wiekingskip, meer bepoald et soort zeegoand vrachtskip hiervan, ok wal knarre eneumd. Et was ebouwd op rechten kiel en staevens en had n heel of deels dek.
Geskiednis
bewarkNe kogge kon anzeenlek meer vracht vervoeren as de knarre, moar had ok meer kracht, dus wind, neudig um te kunnen voaren. Koggen hebt in dee tied van 1200 tot +/- 1450 nen ungekend sukses ekend. Et belangriekste kenmark is dat zi-j de untwekkeling hebt emaakt noar et staevenroer. Doar was éen enkel dwarsgetuugd zeil, an nen midskeeps of in latere tied nen iets meer noar veuren eplaatsten mast.
Et is as vrachtskip verdrongen deur den hulk.
De Kamper Hanze Kogge
bewarkNe grote en vri-j good bewoarde kogge wierd in 2000 in de buurte van Doel vonden, bi-j groafwarken an et Deurganckdok. De zogeneumde Doelse kogge ku'j noa konservatiewark in et skeepvoartmuseum van Baasrode bekieken.
Noa et dreugevallen van den Flevopolder bunt verskillende koggen op-egroaven en beholden. In Nederlaand is in Kampen ne kogge noa-ebouwd. Dizze veert sinds 1998 under den name Kamper Hanze Kogge. De kogge dee zie as veurbeeld veur et noa-bouwen hebt ebruukt is ebouwd met holt uut 1336.
In de middeleeuwn wodden ne kogge in veer moanden ebouwd. In Kampen is veer joar an et noa-bouwen van et skip ewarkt. De Kamper Hanze Kogge was as Tall Ships' Races gast op Sail 2000 en Sail 2005. De Kamper Hanze Kogge hef nen deepgang van 2.50m, lengte maste 22 m, lengte overall 20 m. gewicht 85 ton, woarvan 45 ton ballast. Dizzen kogge wödt evoaren met 12 bemanningsleu en veert nog zunder motor.
In 2004 hef de Kamper Kogge ne Ommelandvoart emaakt. Dizzen tocht duurden 7 waeken en vuur längs staedn in Duutslaand, Denemarken en Zweden. Der bunt in Duutslaand en Zweden ok 4 koggen noa-ebouwd.