Kollenbargervene
Et Kollenbargervene is n hoogvaene en bescharmd natuurgebeed elaegen in et midden van de liene Wenterswiek-Lechtenvoorde en wöd deurkruust deur de spoorliene Wenterswiek-Zutfent woar zeldzoame dieren en plaanten bunt dee-t nargens anders in Nederlaand laeft. Et gebeed is ontstoan in de leste iestied.
In de 14de eeuwe wierd dit hoogvaene gebeed of-egraoven. In dee olde vaeneputten hef zich ni-j hoogvaen evormd. Umdat et gebeed gans kwetsboar is kö'j et alleneg bezeuken oaver an-egoaven wandelpaede. Umdat et nen brook is hebt zie doar n zogeneumd vlonderpad (zoggeneumde knuppelpaede van beumstemmekes) an-elegd um te veurkommen dat bezeukers in den drek wegzakt.
Ingriepen
bewarkHoogvaene blef alleneg stark als doar good wöd umegoan met et gebeed. Neet lang eleden ging et bargafweerts met dit natuurgebeed. Zeldzoame hoogvaeneplanten en zeldzoame dieren gingen vort. Dat kwamen deur verdreuging en vermesting. Met doadkrachteg ingriepen hef Natuurmonumenten et Kollenbargervaene van den undergäng gered. Vervoeld oppervlaktewater kan neet langer et Kollenbargervaene in streumen. Met ne Europese subsidie hef Natuurmonumenten damwende eplaatst dee ok et raegenwater vaste-hold en doarmet verdreuging teggengoat.
Plaanten en dieren
bewarkIn et Kollenbargervene laeft biezundere vöggels, zoogdieren, amfibieën en reptielen. Doar is bieveurbeeld den kleinen bonten specht en havik, wezel, rengslange en heikikker. Noast vaenmös en wöllegrös greujt hier ok lavendelheide. De veendieken bunt begreujd met könningsvoaren, gagel en riesbes. Et zogeneumde blauwgröslaand dankt zienen name an de blauwe zegge dee doar greujt. Ok greujt doar nectarplanten dee zeldzoame zommervöggelkes antrekt.