Ludwig Sager
Johann Ludwig (Louis) Sager (Schüttrup, 25 jannewari 1886 - Neenhuus, 24 meie 1970) was een onderwiezer, heemkundige, plaatselijke politicus en schriever in 't Hoogduuts en Nedersaksisch, ofkomstig uut de Graofschop Benthem in Duutslaand.
Leraarschop
bewarkSager gunk in 't Oostfriese Auerk naor de lerarenopleiding. Dreienveertig jaor laank gaf e lesse in de Graofschop. Hij warkte achterienvolgens in Getelomoor (1906), Uelsen (1907-1912), op de griffermeerde schoele in Lage (1913-1930) en as schoeldirecteur in Neenhuus (vanof 1930). In 1949 gunk e mit pensioen.
Wiedere bezigheden
bewarkWieder was Sager örgenist, zat e zo'n dartig jaor in 't bestuur van de Heimatverein der Grafschaft Bentheim en was e in 1909 de heufdoprichter van de Sportverein Olympia Uelsen. Hij was ok bij de plaatselijke poletiek betrökken. In 1919 gunk e bij de linksliberale Deutsche Demokratische Partei; hij was oprichtend veurzitter van de ofdieling veur Neenhuus en umgeving van dizze partije.
Schrieverije
bewarkSager publiceerde meer as een dezien boeken, verscheiden historische tenielstokken, dichtwark, en stokkies veur plaatselijke kraanten en veur de Heimatverein der Grafschaft Bentheim. Hij was bij de Schrieverkring an Ems un Vechte en publiceerde in Nedersaksisch tiedschrift 't Swieniegeltje. Wark van hum is openeumen in Heimatverein-uutgaves zoas Heimatdichtung der Grafschaft Bentheim (1989) en Ut de Pütte. Groafschupper Platt föär groot en kläin (1994). In 't Bentheimer Jahrbuch veur 2005 stund van H. Kuiper 't artikel Miene herinneringen an Ludwig Sager.
Uutgaves
bewark- Derkohm, der Sedanstürmer (1927)
- Die Geschichte einer Verpfändung, zehn Bilder aus der Bentheimer Geschichte (1929)
- Der Hirte von Neuenhaus (tenielstok in vief aktes, Benthem, 1932)
- De Mann met dat groww Gesicht (1932)
- Es jauchzen Wald und Heiden. Gedichte (Das Bentheimer Land, diel 32, Patterbuorn/Ossenbrügge, 1948)
- Die Grafschaft Bentheim in der Geschichte (Das Bentheimer Land, diel 41, Benthem 1952, tweide drok 1957)
- Irrlichter im Grenzmoor (1954)
- Saul, Saul, was verfolgst du mich (1955)
- Bei Hanekenfähr strömten die Wasser (1964)
- Dee noojt lopen gaan was (1968)
- Meine Freunde – Gedichte, (Nothoorn, 1968)
- Harmina, eine Erzählung von der Grenze (postuum, 1971)
Bronnen
bewark- Helmut Lensing (2020), 'Die Niederdeutsch-Bewegung nach 1945 in den Regionen Grafschaft Bentheim, Emsland und Ost-Niederlande', in Osnabrücker Mitteilungen. Mitteilungen des Vereins für Geschichte und Landeskunde von Osnabrück (Historischer Verein), diel 125, Ossenbrügge
- Bentheimers International Society: Ludwig Sager's History of Grafschaft Bentheim
|
Dit stok is eschreven in 't Zuudwest-Drèents. |