Magdalena-eilaanden
De Magdalena-eilaanden (Fraans: Îles de la Madeleine, Engels: Magdalen Islands) moakt nen kleainn archipel in n Saint Lawrence-boai met n laandöppervlok van 205,53 km². t Leg dichter biej Prince Edward Island en Nova Scotia, moar is önnerdeal van n Kannedeesn previnsie Quebec.
| Îles de la Madeleine | ||
 Koarte van de Magdalena-eilaanden
| ||
| Informasie | ||
| Sproaken | Fraans | |
| Laand en inwonners | ||
| Oppervlakte | 205,53 km² | |
| Inwonners | 13.091 | |
| Lengte | 63,5 km | |
| Breadte | 10 km | |
| Oaverig | ||
| Tiedzone | UTC−4 | |
De eailaandn vörmt t glieke van de regional county municipality (TE) en sensusdivisie (CD) van Les Îles-de-la-Madeleine. De geogroafiese kode is 01.
De eilaandn vörmt ne urbane agglomeroasies van Quebec van Les Îles-de-la-Madeleine, dee verdeald is oawer twea gemeantn. Disse bint Les Îles-de-la-Madeleine (12.560 inwönner in 2006), de sentroale gemeante, en Grosse-Île (531 inwönnern). De burgemeastern bint Joêl Arseneau en Rose Elmonde Clarke.
Geogroafie
bewarkD'r bint acht heufdeilaandn: Havre-Aubert, Grande Entrée, Cap-aux-Meules, Grosse-Île, Havre-aux-Maisons, Pointe-Aux-Loups, Île d'Entrée en Brion. Alle eailaandn behalwe t loatste bint beweund.[1]
Skiednisse
bewarkJacques Cartier was n earstn Europeesn den t eailaand döa bezeukn, in 1534. Al hönnerdn jöare doarveur döa de Mi'kmaq-indioann t eailaand bezeukn as ploatse veur n sezoonsjacht[2], woarskienlik öm doar etn te hoaln van de grötte walruspopuloasie. D'r bint n antal archeologies interessaante pläkke vöndn öp n archipel.
t Kreagn n noam in 1663 deur n seigneur van t eailaand, François Doublet, noar zinne wief, Madeleine Fontaine[3]. In 1755 warn de eailaandn beweund deur Fraans-spreknde Akadienen. Wannear de Britn de Akadienen oet de Zeaprevinsies van Kannada verbann döa, kömn zee nich zoo wiet as de Magdalena-eilaanden. Töt öp n dag van vandoag vlög de Akadiense vlagge nöch immer öp t eailaand, en zeet de inwönner (Madelinotes) zichzölf nöch aajt as zoowa Akadienn as Québécois.
De eilaandn warn earst önnerdeal van de Kolonie van Newfoundland tuskn 1763 en 1774, woarnoa zee biej Quebec doan wörn.
Töt n 20n joarhönnerd warn de eailaandn völleadig isoleard tiejdns n weenter, zeen de't pakies n trip noar t vastelaand önmeuglik moakn. De inwönner van de eailaandn könn nich eans kommunisearn me't vastelaand. In n weenter van 1910 zendn zee n spoodanvroag veur hulp noar t vastelaand deur völle breefe te skriefn en disse in nen ton in t woater te smietn, woarnoa't vortdreefn. Noade't an laand kömn, öp Cape Breton-eilaand, stuurn de oawerheaid nen iesbrekker te hulpe. Binnn n poar joar harn de inwönner eann van de nieje droadleuze telegroafstasjons zoodet de inwönner gewoan wat kommunisearn könn tiejdns n weenter. Den ton is noe beroomd en elkn toeristnweenkel verköp d'r replikaas van.
Vreuger kö'j nöch walrusn öp t eailaand veendn, moar dee bint noe-an-n-dag vort deur te völn jacht.
Demogroafie
bewarkn Deal van de populoasie stamt of van de oawerleawndn van de mear as 400 skeepwräkke öp de eailaandn. De eailaandn bint de lokoasie veur n antal van Quebec's öldste Engelsspreknde neerzettign. t Grötste deal van de Engelssprekndn bint deur de jöare hen assimileard in t Fraansspreknde deal öf bint eargns oars henne-goan, moar d'r bint nöch steads Engelsspreknde neerzettign öp Havre-Aubert, Grosse-Île en Île d'Entrée.
Vuurtör warn moakt, en doardeur nömn t antal skeepswräkke of, moar d'r bint nöch immer völle skeepn te veendn öp de straandn en önner t woater.
In 2001 had n archipel 12.818 inwönner, det is 13.991 meender as tiene joar earder, tarwiel d'r in 2006 13.091 teld warn.
Referensies
bewark- ↑ http://www.tourismeilesdelamadeleine.com/en/discover-the-islands/
- ↑ http://journals.hil.unb.ca/index.php/nflds/article/view/141/238
- ↑ http://www.toponymie.gouv.qc.ca/ct/toposweb/fiche.aspx?no_seq=37862
|
Dit artikel is eskreaven in et twentsk. |