Magna Graecia

Magna Graecia (Latynsk vöär "Grout-Grekenland", oldgreeksk: Μεγάλη Ἑλλάς, Megálē Hellás, italiaansk: Magna Grecia) was wat de romeinen de hüdige streaken Kalabrie, Basilikata en Kampanie nöömden. Disse streaken wörden vanof sou'n 600 jår vöär Kristus al stark bevolked döär kolonisten uut Grekenland. Disse lüde nöämen öäre oldgreekske gebruken en kultuur med, wat noch altyd te marken is in disse streaken, mär ouk in de kultuur van et olde Rome. Ouk de lüde wat der al woanden, med name de Oenotrianen, nöämen de greekske gebruken oaver.

De olde kolonys van Grout-Grekenland in Italie en de dialekte wat se spröäken.

Al likt et döär de name dat et eyn grout ryk was, et warren vöäral lösse städen dee yder vöär sikselv upkümmen. Vöäral Napels en et siciliaanske Syracuse wörden groute, vöärname städen med flinken invlood up et latere Romeinske Ryk.

De name Magna Graecia steyt vöär et eyrst in et book Geskedenissen van den romeinsken skryver Polybius. Den romeinsken dichter Ovide gebröäk de name ouk üm når de südelike streaken van Italie te verwysen in syn gedicht Fasti.