Maja

De Maya of Maja sint ne grupe inheymske volker in Middenamerika. De olde maja-beskaving wör förmed döär leaden van disse grupe. De hüdige maja stammet af van lüde dee as in disse streake woanden. De maja van vandage den dag woanet in et süden van Meksiko, Guatemala, Belise, un et westen van El Salvador un Honduras.

Vlagge van de maja

Dree majavrouwlüde in traditionäle kleyder

'Maja' is en gaddername vöär verskillende volker. De lüde dee as der med anedüded wordet, nömet sikselv neet sou. In et verleaden vünden se sik geheyls neet verwant med mekander. Allemål hadden se weader andere språken, gebruken un en eygen kulturäle geskedenisse. De name likt afeleided to weasen van de olde stad Mayapán.

By anvang van den 21. eywe wör et totale antal maja skattet up sou'n 7 miljoon. Guatemala, Süüdmeksiko un et skeereiland Yucatán, Belize, El Salvador un et westen van Honduras hebbet verskillende oaverblyvsels van öäre olde arvgood weaten to beholden. Vöäle maja doot vulleydig med in de verwesterde Mestizo-samenleavingen van de landen wårin as se woanet. Summigen blyvet vaste holden an olde majaanske gebruken un spreaket ouk noch verskillende majaanske språken.