Marters
De marters (Martes) vormen n geslacht van slanke roofdieren uut de familie van de marterachtigen (Mustelidae). Der bin acht soorten in dree ondergeslachten. Twee soorten, de boommarter en de steenmarter, koemen oek in de Benelux veur.
Marters bin slanke, middelgrote vleiseters (karnivoren) mit n lange borstelstart. Marters hebben over t algemeen n dichte, brune vacht, waorbie veule soorten oek n witte of gele keelvlekke hebben. De poten en start bin wat donkerder van kleur. De vacht wörden deur pelsjagers as weerdevol ezien, daorumme is der op n antal soorten altied veule ejeugen (bieveurbeeld de sabelmarter).
Marters uut t ondergeslacht Martes wörden 30 tot 55 sentimeter lange en 500 tot 2000 gram zwaor. De vismarter wörden daorentegen tot 5 kilogram zwaor en tot 75 sentimeter lange. De mannetjes wörden altied veul groter as de vrouwtjes.
Marters bin eenleupend en doon an veulwieverieje. Ze leven in de loof- en naoldbossen van Europa, Azië (tot Japan en Borneo) en Noord-Amerika. Marters leven veural van kleine zoogdieren en voegels, mer oek vruchten, insekten en zelfs vissen wörden egeten. t Bin goeie klimmers en springen mit gemak van takke naor takke. Sommige soorten vangen n belangriek deel van der voedsel (bieveurbeeld ekeltjes) in bomen. Alle soorten hebben n verlengde draagtied.
Deurdat marters bekend staon dat ze kippen vreten, bin ze niet geliefd bie pluumvieholders. Marters worden ook veul waorneumen in veursteden, waor ze soms oeverlast bezörgen deur onder dakpannen van huzen te krupen en in dakgeuten te rommelen. Oek bin ze de laatste jaoren bekend wörden deurdat ze de draoden van wat otomarken deurknagen, waorschienlik umdat der visolie in zit. Toch meugen lu niks doen an marters omdat ze bescharmde dieren binnen.
Soorten
bewark- Geslacht Martes (Marters)
- Ondergeslacht Martes
- Steenmarter (Martes foina)
- Boommarter (Martes martes)
- Sabelmarter (Martes zibellina)
- Japanse marter (Martes melampus)
- Amerikaanse marter (Martes americana)
- Ondergeslacht Pekania
- Vismarter (Martes pennanti)
- Ondergeslacht Charronia (Bonte marters)
- Maleise bonte marter (Martes flavigula)
- Nilgirimarter (Martes gwatkinsii)
- Ondergeslacht Martes
Uutgaonde verwiezingen
bewark
|
Commons: Marters - plaatjes, filmkes en/of gelüüdsbestanden. |
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |