Meditatie

techniek um andacht en bewustzijn te verscharpen

Meditatie is 't gebruken van een techniek - zoas mindfulness, herhaling van een mantra, of concentratie op de aosemhaling, op een veurwarp of op een gedachte - um oen andacht en bewustzijn te verscharpen, um giestelijk de dingen helder op de riege te kriegen en um kalm te wezen. De vörmen die meditatie annemp in verschillende tredities en daorbuten, en de bedoelingen die aj dermit kunt hebben, zit nog best wat variatie bij.

Kiender mediteert op een schoele in Peru in 2011

In hiel wat religieuze tredities wördt an meditatie edaone. In 't hindoeïsme en boeddhisme hef 't een veurname rolle. De oldste schrieverije aover meditatie (dhyāna, Sanskriet veur meditatie/beschouwing) viej in de olde hindoeïstische geschriften die ze de Veda's nuumt. Sinds de 19de ieuw hebt Aziatische menieren um te mediteren heur naor aandere culturen verbreid, waor ze ok inezet wördt in niet-religieuze bereiken zoas de gezondheid en de zakenwereld.

Bepaolde lichemsholdings zoas de Lotusholding wördt veule gebruukt veur meditatie in 't boeddhisme, jaïnisme en hindoeïsme en ok in de wiedere wereld. Zittende, liggende, staonde of kuiernde meditatie hej ok, en meditatie onder 't mindful uutvoeren van een karweigien.

Meditatie kan een butse veurdielen hebben, zoas minder stress, onröst, naarmakerije en zeerte,[1] en meer kalmte, inzicht, dudelkheid aover oezölf en goedtepassigheid.[2][3][4][5]

Verwiezings bewark

  1. Hölzel, Britta K., Lazar, Sara W., Gard, Tim, Schuman-Olivier, Zev, Vago, David R. & Ott, Ulrich (november 2011), 'How Does Mindfulness Meditation Work? Proposing Mechanisms of Action From a Conceptual and Neural Perspective', Perspectives on Psychological Science: A Journal of the Association for Psychological Science, 6 (6): 537–559.
  2. U.S. Department of Health and Human Services: Meditation: In Depth
  3. Goyal, M., Singh, S., Sibinga, E.M., Gould, N.F., Rowland-Seymour, A., Sharma, R., Berger, Z., Sleicher, D., Maron, D.D., Shihab, H.M., Ranasinghe, P.D., Linn, S., Saha, S., Bass, E.B. & Haythornthwaite, J.A. (2014), 'Meditation Programs for Psychological Stress and Well-being: A Systematic Review and Meta-analysis', JAMA Internal Medicine, 174 (3): 357–368.
  4. Shaner, Lynne, Lisa Kelly, Donna Rockwell & Devorah Curtis (2016), 'Calm Abiding', Journal of Humanistic Psychology, 57: 98.
  5. Campos, Daniel, Ausiàs Cebolla, Soledad Quero, Juana Bretón-López, Cristina Botella, Joaquim Soler, Javier García-Campayo, Marcelo Demarzo & Rosa María Baños (2016), 'Meditation and happiness: Mindfulness and self-compassion may mediate the meditation–happiness relationship', Personality and Individual Differences, . 93: 80–85.
  Dit artikel is eschreven in 't Zuudwest-Drèents.