Mei
| apr - meie - jun | ||||||
| << | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | >> | ||
Mei (ok wal: bluimaond) is de viefde maond in 't jaor van de gregoriaanse kalender en telt 31 dagen. Meugelijk is mei nuumd naor de Romeinse godin Maia, en meugelijk naor de Romeinse vruchtbaorheidsgodin Bona Dea, heur feest wurden in mei vierd.
Mei valt op 't noordelijk halfrond gehiel in de meitied en op 't zudelijk halfrond gehiel in de harfst.
Belangrieke meidagen:
- 1 mei - Dag van de arbeid
- 5 mei - Bevriedingsdag
- 11, 12, 13 en 14 mei - Iesheiligen
Op de gregoriaanse kalender wordt mei veurofgaon deur april en volgd deur juni.
Mei, de leste maond van de meitied, wordt gewoonlijk associeerd met mooi weer: warm, mor niet hiet, met lange en nog steeds langer wordende dagen en met een volop levende, gruiende en bluiende natuur. Op licht depressieve mèensen hef de maond vake een helend effect. 't Dichterlijke bield dat de maond oproept is hiel vake gebroekt, beveurbield in Heinrich Heines gedicht Im Wunderschönen Monat Mai en in Herman Gorters doezenden verzen lange Mei.
Trivia
bewark- Vrogger: bluimaond
- Romeinse naom: Maius
- Joodse naom: Sivan
- De steernsbeelden van mei bint Bolle en Tweelings.
- Gezegde: In mei leit ieder voegeltien een ei. In een deur de Drèentse schriever Jan Poortman opetiekende versie: In Mei / Leg ellek veugeltien zien ei, / Behalve de koekoek en de griet, / Die leggen in de meimaond niet.' (Uut: De baandrekel, Krips Repro Meppel, 1982).
Weerstaotistieken maond mei in Nederlaand
bewark| De Bilt | Eel | Rotterdam | Maastricht | |
|---|---|---|---|---|
| Gemiddelde temperatuur in graoden Celsius | 12,7 | 11,9 | 12,5 | 13,0 |
| Gemiddelde minimum temperatuur in graoden Celsius | 7,5 | 6,5 | 7,4 | 8,0 |
| Gemiddelde maximum temperatuur in graoden Celsius | 17,6 | 17,0 | 17,0 | 17,8 |
| Dagen mit max temperatuur > 20 C | 9 | 8 | 8 | 10 |
| Gemiddelde relatieve vochtigheid in percenten | 74 | 79 | 78 | 74 |
| Gemiddelde neerslagduur in percenten van de tied | 5 | 5 | 6 | 6 |
| Gemiddelde neerslaghoeveulheid in mm | 61,5 | 57,5 | 52,2 | 63,8 |
| Bron: KNMI, Langjaorige gemiddelden 1971-2000 | ||||
|
Maonden: |
jannewaori - febrewaori - meert - april - mei - juni - juli - augustus - september - oktober - november - december |