Melle Hijlkema

Melle Hijlkema (Grunneger uutspraok: Hielkema) (Trimunt, 1960 of 1962) is een schriever en dichter in de Westeerkertierder variaant van 't Grunnings. Hij gruide op op een boerderije in Trimunt as jongste van een gezin mit tien kiender. Hij hef in 't boerenbedrief, in de bouw en as milieu-inspecteur ewarkt.

Begun van de schrieverije en redens derveur

Een cursus Westerkertiers was veur Hijlkema de anleiding um körte verhalen en gedichten te gaon schrieven. Vanof 2001 had e wark staon in Grunnings tiedschrift Krödde. Op de vraoge waorum as e schrif, hef Hijlkema ezegd:

'Omdat ik et kin. Noadat ik uut et waark roakte ontston de behoefte om dingen te moaken, om een ienspanning òf te meten aan e haand van een blievend resultoat. Dat et schrieven worden is, is gien toeval, dat lag altied al dichtbij.'

Mit 't verhaal 'Vogeldood' wun e in 2002 de eerste pries in de Westerkertierder schriefwedstried. Hij schreef mit an 't in 2004 verschenen Swaalfies rond Auwert, een verzunnen briefwisseling tussen een kloosterlinge, die rond 1442 in Auwert zit, en monikken uut Stad en Ommelaand.

Aord en inhold van zien wark

Van Hijlkema zien proza vaalt de originele, vake wrange en licht macabere onderwarpen op. In zien gedichten perbeert Hijlmeka 't verleuren laandschop en onbevangen gelok van zien jeugd weerumme te halen. Jan Glas schrif aover zien dichtwark:

'Verlais en verlangen, vrouger en nou, geweld en laifde; ien de teksten van Hijlkema bestaait t ain bie de groatie van t andere. Zunder n staark besef van vrouger is der gain heden, laifde is enkeld meugelk ien de aanwezeghaid van geweld. Verlangen wordt altied vöd deur verlais.'

Hijlkema is een gedreven en bieldend veurdrager van zien wark.

Zölfstandige publicaties

• 2005 Vogeldood (Kleine Uil, verhalen)
• 2011 Liekover (Kleine Uil, gedichten)

Uutgaonde verwiezing

• Webloug aover Hijlkema
• Mien Westerkwartier aover Hijlkema

Bronnen

Dit artikel is eschreven in 't Zuudwest-Drèents.