Muzikaant

n Mezikaant is ene den at meziek maakt. Dèt kan met de stemme (zangers), op de bekeande meziekinstremeantn, mear ook elektronies, met n computer. Leu dee at dit doot, neumt ze ook wal dj's (disk jockeys, Engels vuur plaatnruuters) of producers (produseantn).

De mezikaantn op echte instremeantn köant noar öar instremeant eneumd wordn of t soort instremeant:

• n Mezikaant den at klarinette spölt het nen klarinettist, mear umdèt dit n hooltinstremeant is, wördt-e mangs ook hooltbloazer eneumd.
• n Mezikaant den at drums spölt het nen drummer, mear hee kan ook wordn an esprökn as slagwoarker.

Muzikaantn beent r op verskeaidene nivoos. Dr beent muzikaantn dee at t zikzelf eleard hebt, mear vuur n wat better muzikaal inzicht is t vuur de meeste leu better um dr les in te nemn. Det wil neet zegn det zelf-elearde muzikaantn aait slechter beent as aandern, want dr beent völle internasjonaal bekeande ertieste dee at epreezn wordt um öar muzikale inzicht, terwiel at dee nooit les hebt ehad.

Dr beent betaalde en onbetaalde muzikaantn. De betaaldn mutn dr dus van leawn, en heett doarumme beroepsmuzikaantn. Van disse leu kan an enömn wördn det ze op n wat heugerder muzikaal nivoo spölt; Ze hebt wat mear tied um te oefenn. n Mezikaant kan zelf muziek maakn, mear ook muziekskriewers (komponistn) vaalt oonder n naamn, terwiel at dee feailik zelf neet hoowt te spöln.

Disse pagina is eskreewn in t Riesns