Mustafa Kemal Atatürk
Mustafa Kemal Atatürk, ok Mustafa Kemal Pasha (töt 1921) en Ghazi Mustafa Kemal (van 1921-1934) (19 meie 1881, Saloniki (tingwoordig Thessaloniki in Griekenland) – 10 november 1938, Istanbul) was een Turks veldmaarschalk, revolutionair staotsman, schriever en de oprichter van de Turkse Rippebliek. Van september 1923 tot 10 november 1938 was e daorvan de eerste president. Hij voerde grootschaolige veuruutstrevende hervörmings deur, waordeur Turkije een sekuliere, industriële staot wodden. Qua ideologie was Atatürk een sekularist en een nationalist. Zien beleid en sociaol-poletieke prakkezaotsies bin bekend koemen te staon as Kemalisme.
Mit dat de geallieerden van de Eerste Wereldoorlog et deur de Turken bestuurde Ottomaanse Riek versleugen en nao de oorlog een diel dervan bezetten, wodden et riek opedield. Onder Atatürk begunden de Turken een onofhaankelikheidsoorlog teugen de geallieerde bezettingsmacht. Hieruut kwaamp de rippebliek Turkije voort.