Nedergraofschop

Mit de Nedergraofschop (Graofschopper plat: Neddergraafschop en spellingvariaanten) wördt 't noordelijke diel van de Landkreis Graofschop Benthem in de Duutse dielstaot Nedersaksen bedoeld. De Nedergraofschop lig diels as een inham tussen de Nederlaandse previncies Drenthe en Oaveriessel en grenst oosterd uut an de Landkreis Emsland.

De Nedergraofschop; de rest van de Graofschop Benthem in 't wit

De streek hef een agrarisch kerakter; ok bint d'r wat middelgrote ondernemings evestigd. De onofficiële heufdstad is Neenhuus (Hoogduuts Neuenhaus), de ienige stad van de regio. Verkeersaders bint de Bundesstraße 403, de Bundesautobahn 31, de goederenspeurlien van de Bentheimer Eisenbahn, 't Coevern-Piccardie-Kenaal en 't Zuud-Noord-Kenaal.

De volgende gemientes viej in de Nedergraofschop:

• Samtgemeinde Emmelkamp (Emlichheim) (1)
• Samtgemeinde Uelsen (2)
• Samtgemeinde Neenhuus (Neuenhaus) (3)
• Einheitsgemeinde Wietmörsken (4)

Aandere regio's in de Graofschop Benthem bint de Boavengraofschop en Nordhorn.