Ni'je Calixtuskarke

De Ni'je Calixtuskarke, of kort ezegd Ni'je Karke, is ne kattelieke karke in Grolle. Zee bunt met bouwen angevangen in 1906, en 1908 hadden zee het wark af. Et was n ontwerp van de architekten Jos Cuypers en Jan Stuyt, dee ok andere kattelieke gebouwen ontworpen hebt. De karke is ebouwd in zogeneumden neo-gothischen stijl. Net as de Olde Calixtuskarke in Grolle, is ok dizze verneumd naar Grolle zienen patroonheilige, Paus Calixtus I.

Ni'je Calixtus Karke te Grolle
Versiering boaven nen ingang: "Heiligen Calixtus Bid Veur Ons"

De karke wödt nog altied deur de kattelieke gemeenskap ebroekt. In 't weekend bunt er wekkelekse missen en deur de wekke ku-j de toren van meer as 70 meter hoog beklimmen, woar ie een machtig oetzicht hebt oaver de umgeaving. In Grolle en umgeaving steet de Ni'je Calixtuskarke dan ok bekend as De Kathedraal van den Achterhook.