Noaberpad
't Noaberpad (LAW10) is een langeofstaandkuierpad det van Schaanze in Grunning via Nederlaandse en Duutse plaatsen in de buurte van de gröppe töt an Milsbeek in 't noordelke puntien van Limbörg löp. In Schaanze slöt 't pad an op de E9, 't Noordzee Kustpad, det in Grunning 't Wad- en Wierdenpad het. In Kleef slöt 't an op de E8, die in Nederlaand 't Grote Revierenpad het. Bij 't endpunt in Milsbeek slöt 't an op 't Pieterpad.
De route is op 20 oktober 1995 lös edaone, waorbij der 28 ieken eplaant wördden an de Bosmaotenweg bij 't Twèentse Buurse. In 't veld is 't Noaberpad anegeven mit de internationaal bekende wit-rooie marktienens van langeofstaandkuierpaden. Ok stiet 't secuur beschreven in een kuiergids die uutegeven wördt deur 't Nivon (Nederlands Instituut voor Volksontwikkeling en Natuurvriendenwerk).
Waor of 't Noaberpad langes kump
bewark
't Pad is onderverdield in zeuven stokken:
- Westerwoolde: Schaanze - Troapel, 88 km
- Zuudoost-Drenthe: Troapel - Coevern-Piccardiekenaal, 55 km
- Graofschop Benthem: Coevern-Piccardiekenaal - Peerdenslenkte, 40 km
- Twente: Peerdenslenkte - Donnerbrogge, 85 km
- Achterhoek: Donnerbrogge - Grote Stien, 53 km
- Westelk Münsterlaand: Grote Stien - Gendringen, 35 km
- Montferlaand en Laand van Kleef: Gendringen - Kleef (D), 49 km
|
Dit artikel is eschreven in 't Zuudwest-Drèents. |