Krais Noordfraislaand

Noordfraislaand (Noordfrais: Nordfraschlönj, Nordfriislon, Nuurdfriisklun) is n laandkrais en regioon ien de Duutse dailstoat Sleeswiek-Holstain ien t olle heertogdom Sleeswiek. De laandkrais wordt begrìnsd deur de Aider ien t zuden en de Deens-Duutse stoatsgrìns ien t noorden, ien tieds dat bie de regioon oorspronkelk nog n stokje laand heurde dat nou Deens is. De aailanden en Hallegs van Sult tot aan de Aiderstee tou heuren ook bie dizze regioon. De belaangriekste steden binnen Naibul (nfr. Naibel, hdt. Niebüll), Sult (nfr. Söl, hdt. Sylt), Tönnen (nfr. Taning, hdt. Tonning) en Hoezum (nfr. Hüsem, hdt. Husum), woarbie de lèste as heufdstad zain wordt. Ien 2008 haar de laandkrais 166.270 ienwoners.

Noordfraislaand binnen Sleeswiek-Holstain

Toalen

Noordfraislaand is ien de middelaiven deur Fraizen bezeddeld worden en komt op dij menaaier aan zien noam. t Frais wordt den ook nog aal proat ien de regioon, môr is op zien retoer. Ien de Aiderstee en Hoezum wordt t Noordfrais al nait meer proat. t Noordfrais is aans gain ainhaid, den t bestaait oet n hail ìnde oetainlopende dialekten dij sumtieds naauwlieks verstoan worden kinnen onder nkander.

Noast t Frais proat man hier ook Leegsaksisch, Hoogduuts en Zuud-Jitlaands (Platdeens) ien t noorden (Wiedenhaarde).

Dit artikel is noch maar en beginnetje. Help mid döär et uut to breiden.