Notre-Dame van Paries
De Cathédrale Notre-Dame de Paris (Oonze-Lieve-Vrouwekathedraal van Paries) is 'ne kathedraal in vroggotische stiel op 't eilaand in de Seine, "Ile de la Cité", in 't midden van Paries. De kathedraal is ebouwd in opdrach van bisskop Maurice de Sully in de tied van Lodewiek VII. De eerste stien is in 1163 elegd deur Paus Alexander III. De bouw van de kärke is voltooid in 1345.
De kathedraal hef vanof 1845 'ne 23-jaorige restauraotie ondergaon deur E.E. Viollet-le-Duc, naodät de kathedraal beskaodigd is tiedens de Fraanse Revolutie. Sund 1991 is der 'ne nieje restauraotie an de gank, die zwat klaor is.
De Notre-Dame is 130 meter laang, de twie niet-of-ebouwde torens hebt alletwie 'ne hoogte van 69 meter. De torens kunnen beklömmen wörden en bieden 'n uutzich over de stad.