Oetroopteken

n Oetroopteken (ook wal blearteken eneumd) is n leasteken det angef det t eskrewene noadruk krig. t Gebroekte teken is -!- en keump an t eande van de zin, in plaatse van nen peunt. t Gef dus feaitelik an det t eskrewene bedoold is as oetroop.

• "Skeai oet!"
• "Woart oe!"

Vake is t wal zo det t gebroek van mear as één oetroopteken better opvaalt (en dus mear noadruk gef), skoonwal t nit gebroekelik is um mear as één oetroopteken tegelieke te gebroeken. A'j det dan toch gearne weelt, mu'j der dree gebroeken, volgens de Neerlaandse stielofsproaken. Skoonwal, t gebroek van mear as één oetroopteken wörd vake as onprofessioneel ezeen, en t kan zelfs onfatsoenlik oawerkommen, en juust ne tegenoaweresteelde oetwoarking hebben, of n andacht van de bosskop ofleaiden dee'j weelt oawerdreagen.

Vergeliekt:

• "Gearne gin steule in n pad zetten!"
• "Gearne gin steule in n pad zetten!!!!!"

Commons: Oetroopteken - plaatjes, filmkes en/of gelüüdsbestanden.