Olterterp
Olterterp is een dörp in de Friese gemiente Opsterlaand, krekt in et oosten van Beetsterzwaog. Et is et kleinste dörp van de gemiente mit zoe'n 96 inwoners (2005).
In Huzinge Olterterp woonde vrogger de femilie Boelens en is now et heufdkantoor van It Fryske Gea. Bi'j Beetsterzwaog staot herehuus De Horst, dat in 1907 bouwd is deur de Beetsterzwaogster architekt Luitje de Goed.
Plaetselik Belang is ien mit Beetsterzwaog.
Karke
bewarkIn Olterterp staot een karke uut 1415 mit een toren uut de 18e ieuw. Et karkgebouw is optrokken uut kloostermoppen in gotische stiel. De karke was wijded an Sunte-Hippolytus. Op de karkevloer liggen grafstienen uut de 17e en 18e ieuw. An de muren hangen rouwborden van belangrieke femilies uut die tied: Boelens, Lycklama à Nijeholt en Hemminga. Veur de karke is in 1744 in toren bouwd, de luudklokke is lichtkaans van 1444. In 1974 is et gebouw restereerd. De karke is in beheer bi'j de Stichting Alde Fryske Tsjerken en der wodden vaeke koncerten holen.