Ooldeschoot

Ooldeschoot (Nederlaans: Oudeschoot, Fries: Aldskoat, plaetselik wodt et kotweg ok wel Skoat nuumd) is een dörp in de gemiente Et Vene, van de Nederlaanse perveensie Frieslaand.

Et dörp leit in et zuden van de plakken Et Vene en Oranjewoold en krekt in et oosten van Ni'jeschoot. De angreenzende buurtschop Anneburen vaalt formeel onder et dörp. An de oostziede leit Parkgebied Oranjewoold.

Geschiedenis

De oolde benaeming veur et plak is Scoete of Scote. Vanof 1408 hebben ze et over Old Schooten, wat laeter Ooldeschoot wodden is. De benaeming verwiest naor 'schoot', dit wil zeggen een veuruutschietend stok laand. Vanof de middelieuwen was et dörp et centrum van Schoterlaand, hoewel et gemientehuus van Schoterlaand tot an de opheffing van de gemiente (1934) in Oenemastate (Et Vene) zat. Tot omdebi'j 1750 wodde der ok recht spreuken in et dörp en zat de grieteni'jeraod der.

Tot 1970 ston der ok een veurmaolig stesjon in Ooldeschoot. An de Van Leeuwenhoekweg staot De Schoterschaans (basisonderwies).

Bevolking

1954 - 903
1959 - 1044
1964 - 1272
1969 - 222
1973 - 196
2006 - 1513

Galleri'je

Schoterlaanseweg
Schoterkarke

Bekende (ex-)inwoners

Sven Kramer (1986), schaetserieder
Yep Kramer (1957), schaetserieder
Klaas Runia (1926-2006), theoloog, predikaant en journalist
Willem Wilman (1906-1974), theoloog, predikaant en dichter ("Sinte Wilman")