Op fietse

Op fietse is een liedtie van de Drèentse meziekgroep Skik en is schreem deur veurman Daniël Lohues. Het stiet op de cd Niks is zoas 't lek uut 1997. Het is op 1 november van dat joar op singel uutbracht en stun zeum weken in de Nederlandse Top 40 met as piek plak nommer 29. As bonus stun der Benidaorumme op dat ze schreem hadden tiedens de uutzending van de Arbeidsvitaminentour in Spanje.

In 2005 wuur Op fietse keuzen tot het beste Drentse liedtie allertieden. Sinds 2003 komp het ok veur in de Nederlandse Radio 2 Top 2000. De tot nou toe (2011) hoogste plaats haalde het in 2009 toen het op plaats 181 stun.

Op fietse beschref een tocht op de fietse deur Zuudoost-Drenthe en een stukkie Duutsland. Later wuur dizze tocht deur de Drèentse VVV bemuumt tot Skik-route. Lohues ree hierzo langs:

Slien

Erm

Dippert, ok weh Diphoorn nuumt

langs Ermerzand

Veenoord

Nei-Amsterdam

langs het Dommersknaal

langs de kassen (Amsterdamscheveld)

Weiteveen

langs Bargerveen ("achter op 't veld daor mag 'k graag wezen")

langs de Duutse grens

Schöninghsdorf (Duutsland)