Overleg:Geef-Frysk

Laatste reactie: 11 jaar geleden door Kening Aldgilles

Hoi,

Mischien bestaot et begriep wel, mar ik heb daor nog nooit wat over heurd. Wel aandersomme veur Friestaeligen die te vule Nederlaanse woorden gebruken, die kriegen vule vaeker kritiek en blieven ok onderwarp van kritiek. Mar ok dat valt wel wat mit. Ik begriep daoromme niet waoromme wij hierveur een artikel schrieven. Et is meerstal gien diskussie bij de Friestaeligen, de standaord is neamelik vrij breed. Begriepen as 'boekenfries' bin wel gangbaor veur et schreven én spreuken Fries. De opmarking van Grönneger dat et Fries op den duur ok uutsterven zol, en daorbij indirekt verwiest naor et zogenuumde 'Gay-Frysk' is naor mien miening overdreven. Mischien kan Grönneger wat over zien bronnen vertellen? Groetnis --Kening Aldgilles (overleg) 23:12, 28 jun 2012 (CEST)Reageren

Moi, ik begriep dat t veur die as frais wat negoatief wezen kin, mor ik bin t oflopen moand sikkom 10 moal tegenkommen bie verschaaidene luu. Ik oefen mien frais of en tou mit fraizen en dij zeggen den aaltied dat bepoalde woorden nait meer echt frais binnen, mor dat dat gay frysk is. "Sa praate wij net meer". Dus vandoag heb ik aine der noar vroagd (n frais) en dij kwam mit dit verhoal. En dij opmaarken dat t frais oetstaarven zel was n konstateren mit n negoatieve konnotoatie. Wat ik zeggen wil is dat ik t zunde vien dat t frais zokzulf op dizze wieze stokkend moakt. t Is nait n artikel om t frais te beledegen of om de toalsitewoatsie ien fraislaand onwoar weer te geven, juust nait. Grönneger 1 (overleg) 00:18, 29 jun 2012 (CEST)Reageren
traauwens, dat t ook de aander kaant oet broekt wordt kin gewoon ien t artikel. Grönneger 1 (overleg) 00:24, 29 jun 2012 (CEST)Reageren
  • Now nee, et is veur mij as Fries niet negatief. Ik ben meertaelig om et zomar te zeggen. Ik geleuf dat dat ok wel een betien mitvalt mit wat ie daor schrieven. De Friestaeligen zien over et algemien wat positiever naor et Fries as de Stellingwarfstaeligen die naor heur eigen tael kieken. Et Fries wodt niet zo snel stukken maekt deur et invoeren van wat nije woorties.
  • De kwaliteit van et Fries verschilt wel ofhankelik van de regio. Et kan wezen dat in de grotere plakken (zoas Drachten) de jeugd et Nederlaans vule meer ankruupt as in de dörpen en op et laand. Now is et wel zo dat et grootste diel van de Friestaelige jeugd in de dörpen en op et laand woont. Uut jow veurbeeldzin ka'k opmaeken da'j niet in de Wouden de jonge luden heurd hebben. Daor gebruukt de jeugd nog biezonder goed Fries, waor ok oeroolde vormen zoas hju veur 'zij' in veurkommen. De kwaliteit onder de jeugd in de Noordoosthoeke is ok niet vuul minder. De populaire muziek van bands zoas 'De Hûnekop', 'Strawelte' en 'Jitiizer' staot hiel dichtbij de jeugd, mar wiekt niet zo vule of hielemaol niet of van de standaord. En zij speulen zoas de jeugd ok proat, zij moe'n ommers de jeugd wel anspreken.
  • Daoromme zie ik jow artikel niet as een algemiene trend waorveur d'r een artikel kommen moet. En dat viende ik veural omdat et 'verkeerde' Fries (ok wel 'Bargedútsk') vule vaeker onderwarp van diskussie is. Ok daorover is een artikel naor mien miening niet neudig.
  • De boekies mit et 'Standaordfries' wieke soms ok wel een betien of van de realiteit, en daordeur ka'k wel begriepen da'j denken dat et Fries zien kwaliteit verliest. In et grootste diel van Frieslaand zeggen de meensken 'werke' in plaots van et -je warkwoord 'wurkje'. Dat het niet zo vule te maeken mit de 'verloedering' van et Fries, mar vule meer mit et schrieven van een standaord die in een groot diel van Frieslaand al lang niet meer standaord is óf nooit de standaord was. Dus vuul woorden bin bedacht deur schrievers van boekies die de warkelikhied wel iens wat mooier maekten as dat die was/is of wodden zal. Ja, d'r bin wel aorig wat puristen beuzig weest. Et is soms etzelde as mit et Stellingwarfs. In et Stellingwarfs miene bepaalde meensken dat et Tsjonger alleenig mar Fries is en Kuunder goed Stellingwarfs. De warkelikhied is dat de meerste Stellingwarfstaeligen die d'r nog bin, vaeker Tsjonger zeggen as Kuunder. Ik dacht zels dat 'Kuunder' altied een vervorming van et Nederlaanse 'Kuinder' was. De Stellingwarfse band Revolta het et ok 'Over de Tjonger'. Puristen maeken de waorhied en warkelike taelsitewaosie een betien troebel en zollen objektiever schrieven.
Groetnis --Kening Aldgilles (overleg) 11:00, 29 jun 2012 (CEST)Reageren
Terugkeren naar de pagina "Geef-Frysk".