Overleg:Hertogdom Saksen

Ik vin t wel intressaant, den allend ien Uropa binnen landen ontstoan oet dynastieke overwegen, ien ploats van kulturele. Dat is noa de Twijde Wereldoorlog maist liektrokken, môr toch. Veuraal mit Saksen vin ik t intressaant hou de noam Saksen zo veraandern kon deur femilies dij heur riek opdailden en aander gebieden der bie kregen. t Begon mit hertogen as Widukind, dij allend môr aanvoerder van t leger wazzen, môr dou wörren t hertogen as vôrst zo as Hìnnerk de Laiw enzo. Dou wazzen der twij femilies dij om de titel van hertoog streden en dou Saksen oet nkander veul, mochten baaide femilies n stukje laand hebben (femilie Welf kreeg Laauwenbörg en femilie Wettin kreeg Wittenbaarg) en mochten zai zok baaident hertoog van Saksen nuimen. Dou veroverden zai aal meer laand, de Wettins kregen Broenswiek-Lunebörg en de Wettins kregen Maizen en Tureng. Dizzent wörren weer verdaild (Maizen wör keurvorstendom Saksen en Tureng wör hertoogdom Saksen en loater nog wieder verdaild en Broenswiek-Lunebörg wör Hannover en Broenswiek) en dij verdailens wörren môkt om t laand over de femilies te verdailen. Zo stammen de Von Sachsen-Coburg-Gotha's en Von Sachsen's nog aal ôf van de Wettins en kin de heertoog van Hannover, os heer Ernst August, en de olle lien Von Braunschweig, dij nou ook Erns August tou komt, nog aal teruglaaid worden tot Hìnnerk de Laiw van de Welf dynastie. En zo zugst dat de olle landen van t begun van t hailege Reumse Riek failieks nog tot aan begun vurrege aiw bestoan hebben en kultureel zain nog aal bestoan. De Saksen wonen nog aal op zulfde stee, de Alemannen nog aal, de Franken nog aal, enz. Laank verhoal, wel intressaant! Grönneger 1 16:54, 16 dec 2009 (CET)

Traauwens, ook de twij kleuren kommen van dizze femilies. t Gruin mit wit is van de Wettins en de rood wit is van de Welfs. Grönneger 1 20:29, 2 jan 2010 (CET)