Overleg mal:Commons
Laatste reactie: 12 jaar geleden door Droadnaegel
Servien, ik zee da'j alweer ne verandering in Mal:Commons weerummedraeid hebt, net zo as bi'j Mal:Commonscat. Mien veurige veurstel was gin flauwekul, ik meenden dat serieus, en Erik Warmelink had ok graonden um ziene veranderingen te doon (zoas zien veurbeeld Trekker of Da Lat, waor den mal wal heel wiet noar onder steet bi'j nen groten infobox of plaetjen). Niks zo makkelik as ovver veurkeur in stiel/user interface te strieden, dus ik zal proberen oet te leggen waorum ik mien veurige veurstel deed, oetleggen warkt better duch mi'j as weerumme draeien met "is ok niks", of "zut der neet oet".
- Ne ensyklopedie geet um de inhold. Dat höld in dat alles wat neet te maken hef met den inhold, den laezer neet te völle mot ofleiden. Alles wa'j op ne ziede zet met raandjes, kleurkes trök extra andacht, en leidt dus of van den inhold. As dat dan ne verwiezing is naor ne stae met plaetjes boeten onze wiki, stel i'j onze inhold neet meer sentraal. Mooiste veurbeeld vin'k altied Google: niks gin ovverdraeven kleurkes, raandjes, plaetjes, maor zeukrisseltaoten op ne witte achtergraond, daor geet t um. "KISS", keep it simple stupid prinsipe.
- Der besteet nen trend in wikiland um alles maor vol te plakken met mallekes en kleurkes, en dat is slecht, net as graffiti. I'j zegt ovver t simpele ontwarp: "Is ok niks". Maor ik heb wal eam rond ekekken naor wat der in andere spraoken gebeurt, ik dee t veurstel neet maor zo. En dan zee'j dat ze op in miene ogen kwalitatief hoge wiki's as de Duutse en Spaanse ok n heel simpel ontwarp hebt. Vergeliek veur t idee t onderste deel van de artikels nl:Nederland maor s met de:Niederlande. Um ovver en:Netherlands (waor at ze de mallen zelfs mot inklappen um t der n betjen oet te laoten zeen maor te zwiegen). Is natuurlik ne kwestie van smaak, maor naor mien idee is den Duutsen stiel t meest 'stielvol'/minst skreeuwend reklamefolderachtig.
- Layouttechnies: met width:100% krie'j den mal bi'j korte artikels met lange infobox of plaetjes pas nao ne völ te grote witruumte.
- Kodetechnies: i'j draeit weerumme met kode in den eerste regel: witregel vanwaege n foutjen. Wat veur fout dan? Ik heb al n bulte van dee regels in mallen vort ehaald, en gin problemen ezene, dus zo'j dat willen oetleggen?
Droadnaegel (overleg) 23:28, 28 sep 2011 (CEST)
- Op zich vie'k t niet zo arg a'j t raandjen vorthaolen, mer dan mu'j t bv. bie "(uutgaonde) verwiezingen" zetten, dat past wat beter as da'j t helemaole niet meer zien, zo argens onderan ekwakt. Effen n overzichjen van wat allemaole zo'n bietjen kan:
- Servien (overleg) 19:27, 29 sep 2011 (CEST)
- Ik bun t helemaol met ow eens dat t dan bi'j oetgaonde verwiezingen mot, en dan ovveral, dat gif struktuur/dudelikheid. Veur mi'j zelf zol der gin tekst bi'j hoven, maor ik kan mi'j veurstellen dat der ok ni'jere laezers bunt, dee't neet wet wat Commons is, en dee wordt eholpen met ne kleine oetlegtekst. Ovver de exakte tekst kö'w t dan altied nog hebben. Droadnaegel (overleg) 21:13, 29 sep 2011 (CEST)