Paais

Paais (Nederlaans: Peize) is een Nederlands dörp in het noorden van de provincie Drenthe, ongeveer tien kilometer ten zuden van de stad Grunnen.

Tot 1 januari 1998 was Paais een sulfstandige gemeinte. Noa de Gemeintelieke herindeling van Drenthe mokt het deil oet van de gemeinte Noordenveld.

Antal inwoners (inclusief Altena, Paisermoa en Paiserwold):

roem 5100 (per 1 januari 2003)
5337 - (per 1 januari 2004)

Tegenwoordig is Paais een forensendörp mit starke oriëntoatie op de stad Grunnen. Vrouger was Paais een typisch Drents boerendörp met veurnoamelek gemengde bedrieven. In de zestiende en zeumtiende eeuw stun het dörp bekend om de oetgebreide teelt van hop, veural gebruukt veur de bierbereiding in Grunnen.

De hopbel was het beeldmark in het gemeintewoapen. De noam hop komt vandoag de dag nog veul veur in naamgevingen als Hoppekampweg, vereiniging De Hopruiters en bejoardencentrum De Hoprank.

Bai wieze van openluchtmuseum is deur een groep vraiwilligers een serie zogenoamde Hopkoelen inricht. Dit terain is gelegen an het fietspad oetkommend op de Hoppekampweg en gef een oraeg beeld van de klassieke Hopteelt.

Bezainswoardigheden

Hoptuun
Middeleeuwse kerk, een bouwwaark oet de dartiende eeuw; in dizze kerk stait een örgel oet de zeumtiende eeuw
Windmeuln, soms Paisermeul nuimt, nog regelmoatig in gebruuk veur het moalen van groan, daterend oet de achttiende eeuw en voorzein van een zölfzwichtend mechanisme
An de noordkant van het dörp, onder de rook van de stad Grunnen lig het natuurgebied de Paiser- en Eeldermoa
Openluchtzwembad, bouwd in de zesteger joaren, en van 1988 of deur een grote groep vraiwillegers in stand holden

Geboren in Paais

Warmolt Tonckens (22 november 1848), jurist en gouverneur van Suriname

Oetgoande verwiezings

Commons: Paais - plaatjes, filmkes en/of gelüüdsbestanden.

Schreven in 't Noordenvelds van Paais, in de Grunnigse spelling