Paar van Wering
't Paar van Wering (Nederlaands: Paar van Weerdinge) bint twee veenlieken uut de Nederlaandse iezertied, op 29 juni 1904 deur veenarbeider Hilbrand Gringhuis[1] evunden in 't Weerdingervene[2] bij Wering in Drenthe. De veenlieken bint nou in 't Drents Museum in Assen.
Vondst
bewarkDe beiden wördden op de rogge liggend evunden. 't Linker liek lag op de uutestrekte naarm van 't rechter liek. Nao de vondst wördden de lichamen operold en in een kissien aoverebracht naor 't liekhuus op de begraafplaatse van Nei-Weerdinge.[2]
Onderzuuk
bewarkVeureerst wördden der edacht det 't een man en een vrouwe waren; de veenlieken kwamen daorumme bekend te staon as 't echtpaar van Weerdinge, of ok wal 't echtpaar Veenstra. In 1990 bleek uut DNA-onderzuuk det 't um twee mannen gunk.[3][4]
De lieken dateert uut de late iezertied. Koolstofdatering gef an det de beiden waorschienlijk estörven bint tussen 40 veur Christus en 50 nao Christus.[5] De rechter man is meugelijk ummebracht deur een messteek in de börst. Deur 't gat in zien börst steuken zien ingewanden. Haoste alle botten bint vergaon, mar wat organen bint bewaard ebleven deur de zoeren die in 't vene anwezig waren.
Kiekt ok bij
bewark- Maagien van Ie, vrouwelijk veenliek uut dezölfde periode as die waorin 't Paar van Wering leefde.
Bronnen
bewark- ↑ Webstee Drents Museum.
- ↑ 2,0 2,1 Gerding, M & Hillinga, H. (2007). Het Drenthe Boek. Zwolle: Waanders.
- ↑ 'Geofferd in het moeras?', De Telegraaf (19 juni 1990).
- ↑ 'Juffer van Zweeloo werd in het het heilige veen geofferd', de Volkskrant (12 juni 1990).
- ↑ Johannes van der Plicht, Wijnand van der Sanden, A. T. Aerts, H. J. Streurman: Dating bog bodies by means of 14C-AMS. In: Journal of Archaeological Science. Band 31, no. 4, 2004, ISSN 0305-4403, blz. 471–491, doi:10.1016/j.jas.2003.09.012 (Engels, ub.rug.nl [PDF; 388 kB; eraodpleegd op 2 juni 2010]).
|
Dit stok is eschreven in 't Zuudwest-Drèents. |