Platduutse Wikipedia

(döärstüürd vanaf "Plattdüütsche Wikipedia")

De Platduutse Wikipedia (Platduuts: plattdüütsche Utgaav vun Wikipedia, ondertitel: Dat fre'e Nakieksel) is de uutgave van Wikipedia, een vri'je encyclopedie op internet daoras iederiene mandielig an mitskrieven kan, in 't Platduuts. 't Platduuts, vake gewoon Platt enuumd, umvat alle variaanten van 't Nedersaksisch die as ze in Duutslaand praot.

De Platduutse Wikipedia is begund in april 2003. Op 17 augustus 2008 waren der 12.694 artikels; op 2 april 2021 waren 't der 82.489 en op 12 oktober 2023 waren 't der 84.266. D'r bint een klein antal vaste skrievers die as miest uut 't Noord-Nedersaksische taalgebied koomt; daorumme is 't Noord-Nedersaksisch roemschoots 't miest vertingwoordigd.

Op de Platduutse Wikipedia hebt ze de regel det alle artikels naor de Sass'sche Schrievwies eskreven mut wörren. Dizze skriefwieze van de Duutse taalkundige Johannes Sass giet uut van de skrifttiekens van 't Hoogduuts. Det hef de belangriekste reden ewest det in meert 2006 de Nedersaksische Wikipedie op-ezet is veur de Nedersaksische variaanten van Nederlaand.[1] D'r is beparkte samenwarking tussen de Platduutse en de (Nederlaans-)Nedersaksische versies van Wikipedia. Zo verskient de verwiezings naor mekaars artikels in vetdrok en hebt de beide versies mekaars maondelijkse uutekeuzen artikel op de veurpagina.

Zie ok bewark

Uutgaonde verwiezing bewark

Rifferenties bewark

  1. Wikipedia: Requests for new languages/Wikipedia Dutch Low Saxon
  Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.