Rouke Broersma

Rouke Gerrit Broersma (Amsterdam, 10 febrewaori 1940) is een schriever op onder meer 't gebied van de Drèentstalige schrieveri'je.

Waandel en schrieveri'je

Tussen 1960 en 2001 was hi'j onderwiezer in Scheerwolde, leraar Nederlaands in Grunning en pabo-docent in Assen. Hi'j publiceerden vertellegies en gedichten in verscheiden literaire tiedschriften, twee romans, een vertellegiesbundel en twee dichtbundels. In de jaoren tachtig en negentig verschenen van hum onderwiespublicaties.

Tussen 1989 en 2000 was Broersma redactielid van 't Drents Letterkundig Tiedschrift Roet, daoras hi'j vertellegies, gedichten, besprekings en beschouwingen in publiceert.

In 1993 kwaamp van hum en Stieneke Boerma de literatuurgeschiedenis Drèentse schrieverij uut (Zuudwolde: Het Drentse Boek). In 2003 verscheen bi'j dezölfde uutgeveri'je Scheupers van de taol: Bloemlezing van de Drèentse Schrieverij 1837-2003, deur Broersma samenesteld. Een tweede, bi'jewarkte drok verscheen in 2011 (Het Drentse Boek, Beilen). In 2012 verscheen Met Bunner groet. Brieven en beschouwing over schrieverij en andere Drentse aangelegenheden (Ter Verpoozing, Paais).

Wieder schref Broersma oaver de pedagoog Célestin Freinet en 't Freinet-onderwies. Onder zien wark op dit gebied valt Tony de Wees (vertaling van een kienderboekien van Freinet mit autobiografische trekkies) en Célestin Freinet, een pedagoog voor onze tijd (vertaling van de Freinet-biografie van Michel Barré).

Van 1975 töt 2021 was zien woonplekke 't plaatsien Bunne in (sinds 1998) de noord-Drèentse gemiente Tynaorl; vervolgens verhuusde e mit de vrouwe naor Troapel.

Publicatielieste

Poëzie

De Hoge Veluwe en andere toponiemen (1973)
Rondeel voor de jaarwisseling (bibliofiel, 100 ex., 1983)
De Winder loop, een leerdicht (bibliofiel, 65 ex., 1991)
Het puttertje in 1963 (vouwblad)
Haiku. Van kijken komt schrijven (mit Arjen Boswijk en zien groep acht, 2007)
Zoveel vogels zoveel zinnen (2007)
3luik voor Muusje (2023, bestaond uut De overtocht. Per haiku naar Banda, Bedroefde Roeken tussen Paasveen en Zandman's Gat en Dicht bij Basho's ven. Haiku en haikustrofen

Proza

Een weekje Dodesluis (1967)
De parkwachter is gek (verhalen, 1969)
De Put (1970)
Pieter Pieper, het aardappelmannetje (kienderboek, 2011)

Oaverig (keuze)

Recht voor z'n raap: jargonboek voor hippe en andere vogels (1970)
Riw 1, Over Taol (Warkbook Drèents veur ankommende meisters en juffers) (mit Stieneke Boerma en Gerard Nijenhuis, 1988)
Riw 3, Over kinder (Leer- en warkbook over tweitaoligheid en streektaolunderwies) (mit Stieneke Boerma en Gerard Nijenhuis, 1990)
Overschakelen. Werken aan tekstvaardigheid in klassen met Molukse leerlingen (Opleidingsdeel) (mit Dolf Hartveldt en Egbert Tahitu, 1992)
Werken aan teksten 1, Een cursus tekstsoortgericht schrijven voor klassen met Molukse leerlingen (mit Jan Bies, Dolf Hartveldt, Gerrit Kreulen, 1992)
Drèentse Schrieverij (literatuurgeschiedenis, mit Stieneke Boerma, 1993)
Werken aan woorden 1. Een project woordenschatuitbreiding geschiedenis (mit Magdaleen Kingmans, 1993)
Moluks Maleis voor Nederlanders, cursussen Moluks maleis voor onderwijsgevenden en werkers in de zorgsector (mit Xaf Lasomer,1994)
Kerndoelen Moluks Maleis voor basisschool en basisvorming (mit Xaf Lasomer, 1994)
Werken aan woorden 2. Een project woordenschatuitbreiding geschiedenis (mit Magdaleen Kingmans, 1994)
Werken aan woorden 3. Een project woordenschatuitbreiding biologie: katern BO en basisvorming (mit Magdaleen Kingmans, 1994)
De Eekhorst, een eigen wijs portret (mit Jimke Nicolai en Freek Velthausz, 2002)
Levend lezen dat’s de kunst. Ideeën en technieken voor vernieuwend leesonderwijs (Jimke Nicolai en Jeroen Tans, 2003)
Geef ze de ruimte. Naar een inspirerende leer-, werk- en speelomgeving in de basisschool (mit Klaas Mulder, Jimke Nicolai en Jeroen Tans, 2004)
Dat’s andere taal. Bouwstenen voor levend taalonderwijs (mit tekstbijdragen van aandern, 2005)
De Freinetwerker. Freinetwerker worden zijn en blijven (mit Jimke Nicolai, Jeroen Tans en Anton van der Wissel, 2006)
Dat geeft de burger moed. Burgerschapsvorming, op weg naar een democratische school (mit Jimke Nicolai, Jeroen Tans en Freek Velthausz, 2007)
Petersen & Freinet, Jenaplan & Moderne School (mit Freek Velthausz, 2008)
Dat telt. Bouwstenen voor levend rekenonderwijs (mit Jimke Nicolai en Freek Velthausz, 2010)
Met Bunner groet. Brieven en beschouwingen over schrieverij en andere Drentse aangelegenheden (2012)
Drentse Letteren. Het verhaal achter Scheupers van de Taol 1837-2016 (2017)

Bronnen

Broersma, Rouke (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Het Drentse Boek
Rouke Broersma op Zoveelvogelszoveelzinnen.nl
Publicatielieste van Rouke Broersma

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.