Ruïne van Teylingen
Slot Teylingen is eleagen in buurtschop Teijlingen in de kern Veurholt van de Zuud-Hollaandse gemeente Teylingen, an de grenze mit de kern Sassenheim.
Van eursprong wierd et slot ebouwd um den noord-zuud weg te bescharmen in Hollaands stoatsgebeed. Later wodden et n holtvesterslot veur de holtvesteri-je van de Graven van Hollaand, te beginnen mit Graaf Willem IV van Hollaand.
Ene van de bekendste bewonners van et slot, dee doar ok is oaverleaden, was Jacoba van Beieren. De in de umgaeving van et slot opegroaven drinkkennekes wödden ok wal Jacobakennekes eneumd.
Van et slot is noe alleneg nog ne ruïne oaver. Dizzen is good bewoard, besteet uut ne ringmure en nen Donjon woarvan de ringmure deel uutmek en is deels deur water umgeaven. Et kasteel is nen ronden waterburcht. De ringmure kump uut et beginne van de 13de eeuwe en et wonhuus van kort doarnoa. Et kasteel is in den Tachtigjoarigen Oorlog rundumme 1570 zwoar beschadigd en doarnoa deels weer op-ebouwd. Et had ok nen veurburcht. Umstreaks 1675 is den donjon uut-ebrand, woarnoa vervalle intrad en delen esloopt wödden. In 1889 is et deur Jhr. Mr. W. van Teylingen an den Stoat verkocht, dee nog steeds eigenoar is. End 1900 is de ruïne op-eknapt en is de toogängspoorte wier op-ebouwd.
Het is vermeudelek et stamslot van de adelleke femilie Van Teylingen, woar de femilie Van Brederode rechtstreaks van afstamt.
De Gemeente Teylingen is verneumd noar dit slot, mit umdat den name Teylingen ok al veurkwam in de dree veurmoalege gemeenten Sassenheim, Veurholt en Warmond.
Bassie en Adriaan
bewarkIn de riege Bassie en Adriaan: De Verdweanen Krone (1988) krop et gannef den Baron, B2 en Vlugge Japie vort in dit slot, reden woarum doar veul efilmd wodden in et kasteel.